सोलापूर झेडपीचा अध्यक्ष -उपाध्यक्ष सव्वा वर्षासाठीच अध्यक्षपदासाठी वैद्य तर उपाध्यक्ष पदासाठी इंदाभाऊ

सोलापूर जिल्हा परिषदेच्या अध्यक्षपदासाठी भाजपकडून बार्शी उपळाई (ठो) या झेडपी गटातून येथून निवडून आलेले दीपक अरुण वैद्य यांना तर उपाध्यक्ष पदासाठी बीबीदारफळ गटातून निवडून आले इंद्रजीत पवार यांना उमेदवारी देण्यात आली. आज झेडपी सभागृहात दोघांनी उमेदवारी अर्ज भरले यावेळी, शशिकांत चव्हाण,रश्मी बागल, पृथ्वीराज माने उपस्थित होते. आज दुपारी दोन वाजता जिल्हाधिकारी कुमार आशीर्वाद यांच्या अध्यक्षतेखाली नवनिर्वाचित सर्व झेडपी सदस्यांची पहिली सभा होऊन यामध्ये झेडपी अध्यक्ष आणि उपाध्यक्ष यांच्या निवडीवर शिक्का मोर्तब होणार आहे. एकूणच या निवडीवर पालकमंत्री मंत्री जयकुमार गोरे यांचा वरचष्मा दिसून आला. धनगर आणि मराठा असे समीकरण साधून ही उमेदवारी देण्यात आली आहे.