दक्षिण कसबा, चोपाडा येथील श्री बालाजी मंदिरात भगवान बालाजींच्या मूर्तीवर विधीवत ‘कलर अभिषेक’ करून कार्यक्रमाची सुरुवात करण्यात आली. त्यानंतर उपस्थितांनी एकमेकांना रंग लावत रंगपंचमीचा आनंद लुटला. ढोल-ताशांच्या गजरात आणि जल्लोषपूर्ण वातावरणात रंगांचा ‘रंगगाडा’ परिसरातून मार्गस्थ झाला. या कार्यक्रमास जिल्हा सरकारी वकील ॲड. प्रदीपसिंह रजपूत तसेच शिवसेना (शिंदे गट) चे जिल्हाप्रमुख तथा नगरसेवक अमोल शिंदे यांची प्रमुख उपस्थिती लाभली. यावेळी उज्ज्वल दीक्षित, अमित पवार, मुकेश ठाकूर, दर्शन दुबे, विरेंद्रसिंह बायस, धनराज दीक्षित, दिलीपसिंह हजारी, किरणसिंह चौहान, संग्रामसिंह चौहान, राहुल चंदले, विजय अवस्थी, महेश शुक्ला, भगतसिंह बायस, विशाल चंदले, रणजीत चौहान, महेशसिंह बायस आदी मान्यवर व कार्यकर्ते मोठ्या संख्येने सहभागी झाले होते. रंग, उत्साह आणि बंधुभावाचा संदेश देणारा हा रंगोत्सव शांततेत आणि आनंदात पार पडल्याची माहिती आयोजकांनी दिली.
