TOP 25- दोन्ही उड्डाणपूलांची कामे अंतिम टप्प्यात, सोलापूर- पुणे आणखी फास्ट…!

सोलापूर ते पुणे या राष्ट्रीय महामार्गावर सोलापूर जिल्ह्यातील सावळेश्वर टोल नाका, अनगर फाटा, यावली,शेटफळ या ठिकाणी उड्डाणपूलांची कामे सुरू आहेत. आता अर्जुनसोंड या ठिकाणी देखील उड्डाणपूल उभारला जाणार आहे. यावली तसेच अनगर फाटा येथील उड्डाणपूलांची बहुतांश कामे सुरू झाल्यामुळे इथून वाहतूक सुरू झाली आहे. मात्र शेटफळ येथील उड्डाणपुलाचे काम अद्याप पूर्ण झाले नाही. या तीनही ब्रिजची कामे अंतिम टप्प्यात असल्यामुळे सोलापूर पुणे प्रवास आणखी फास्ट होणार आहे. मात्र या ठिकाणी असलेल्या सर्विस रोड ची दुरावस्था झाली असून भारतीय राष्ट्रीय महामार्ग प्राधिकरणाने याकडे लक्ष देण्याची गरज आहे.