सोलापूरचा मुलगा थेट दक्षिण कोरियात डॉक्टरेट

देगाव, ता. सोलापूर येथील डॉ. लक्ष्मण उद्धव नवले यांनी दक्षिण कोरियातील University of Science and Technology (UST) येथे Korea Research Institute of Bioscience and Biotechnology (KRIBB) मधून पीएचडी (Doctor of Philosophy) पूर्ण करून ‘Excellence Award’ प्राप्त केला आहे. छोट्या गावातून शिक्षण घेत आंतरराष्ट्रीय स्तरावर यश संपादन केल्यामुळे देगाव चे नवले व सोलापूर चे लुगडे कुटुंबीयांसह संपूर्ण गावासाठी तसेच संपूर्ण सोलापूर जिल्हासाठी ही अत्यंत अभिमानाची बाब ठरली आहे.

डॉ. नवले यांचे प्राथमिक शिक्षण जिल्हा परिषद प्राथमिक शाळा, देगाव येथे झाले. माध्यमिक शिक्षण यशोधन विद्यालय, देगाव येथे पूर्ण केले. बारावी शिक्षण नेताजी विज्ञान कनिष्ठ महाविद्यालय येथे पूर्ण केल्यानंतर त्यांनी पुण्यातील Fergusson College येथे बी.एस्सी. पदवी संपादन केली. त्यानंतर Savitribai Phule Pune University मधून एम.एस्सी. शिक्षण पूर्ण केले.

उच्च शिक्षणासाठी त्यांनी दक्षिण कोरियाची वाट धरत UST अंतर्गत KRIBB संस्थेत संशोधन करत पीएचडी पदवी प्राप्त केली.डॉ. नवले यांचे एकूण 47 संशोधन निबंध जगप्रसिद्ध प्रकाशनांमध्ये प्रकाशित झाले आहेत. त्यामध्ये Nature, American Chemical Society तसेच Royal Society of Chemistry यांसारख्या आंतरराष्ट्रीय स्तरावरील नामांकित प्रकाशनांचा समावेश आहे.त्यांनी ATE1 हे प्रथिन स्तनकर्करोगाच्या वाढ व प्रसाराला चालना देते आणि ते संभाव्य उपचारात्मक लक्ष्य ठरू शकते, असा महत्त्वपूर्ण शोध लावला आहे.

डॉ. नवले यांच्या संशोधनामुळे स्तनकर्करोगाच्या उपचारात नवीन दिशा मिळण्याची शक्यता आहे. ATE1 प्रथिनावर लक्ष केंद्रित करणारी औषधे भविष्यात विकसित होऊ शकतात. भारतात स्तनकर्करोगाच्या वाढत्या रुग्णसंख्येच्या पार्श्वभूमीवर हा शोध लवकर निदान आणि अधिक प्रभावी, लक्ष्यित उपचारांसाठी उपयुक्त ठरू शकतते