सोलापूर – मा. राज्य निवडणूक आयोगाने दिनांक-13 जानेवारी 2026 च्या पत्रान्वये जिल्हा परिषद व पंचायत समिती सार्वत्रिक निवडणूक-2026 चा कार्यक्रम घोषित करण्यात आल्याप्रमाणे व सदर दिनांकापासून आदर्श आचारसंहिता अंमलात आलेली असून. त्यानुसार मतदाना दिवशी मतदान केंद्राच्या परिसरात व मतमोजणी दिवशी मतमोजणी केंद्रावर कायदा व सुव्यवस्थेच्या अंमलबजावणीच्या अनुषंगाने आवश्यक त्या सर्व उपाययोजना करुन मतदान व मतमोजनी प्रक्रिया निर्भय व निष्पक्ष वातावरणात पार पाडणे आवश्यक असल्याचे निर्देश देण्यात आलेले आहेत.
जिल्हा परिषद व पंचायत समिती सार्वत्रिक निवडणूक-2026 च्या जाहीर कार्यक्रमानुसार सोलापूर जिल्ह्यातील मतदान दिनांक 07 फेब्रुवारी 2026 रोजी व मतमोजणी दिनांक 09 फेब्रवारी 2026 असल्याचे जाहीर करण्यात आले आहे. व यास अनुसरुन सोलापूर जिल्ह्यात मतदाना दिवशी बाजार शनिवार दिनांक 07 फेब्रुवारी 2026 रोजी व मतमोजणी दिवशी बाजार सोमवार दिनांक 09 फेब्रवारी 2026 रोजी खालील नमुद गावात आठवडा बाजार भरविण्या मनाईचे आदेश देण्यात येत आहेत.
प्र.जिल्हादंडाधिकारी, गणेश नि-हाळी यांच्या अधिकारान्वये महाराष्ट्र पोलीस अधिनियम, कलम 37(3) व दि. मार्केट अँड फेअर ॲक्ट 1862 मधील कलम 5 (ग) जिल्हा परिषद व पंचायत समिती सार्वत्रिक निवडणूक-2026 च्या अनुषंगाने मतदान केंद्राच्या व मतमोजणीच्या परिसरात सोलापूर ग्रामीण जिल्ह्यातील सार्वजनिक कायदा व सुव्यवस्था राखणेसाठी खालील गावांचे आठवडा बाजार बंद ठेवण्याचे आदेश देण्यात येत आहेत.
उत्तर सोलापूर तालुका- मौजे कळमण, मौजे पाकणी इ. .मोहोळ तालुका- मौजे सय्यद वरवडे, मौजे पापरी, मौजे हिवरे, मौजे देवडी इ. दक्षिण सोलापूर तालुका- मौजे कंदलगाव, औज, मंद्रुप, बरूर, होटगी इ. बार्शी तालुका- मौजे बार्शी शहर, बावी, ममदापूर, घारी, इ. करमाळा तालुका- मौजे केत्तुर नं.2 ,चिखलठाण नं.1, इ. माढा तालुका- मौजे टाकळी टे. मौजे मोडलिंब इ. सांगोला तालुका- मौजे गौडवाडी, आलेगांव, वाटंबरे, पाचेगाव खुर्द, मानेगांव इ. पंढरपूर तालुका- मौजे तावशी, पुळूशी,उंबरे मगरवाडी, खरसोळी, उंबरगाव, भंडीशेगाव, बोहाळी, इ. माळशिरस तालुका- मौजे वेळापूर, इ. अक्कलकोट तालुका- मौजे शिरवळ, चपळगांव, कर्जाळ, जेऊरे इ. सर्व गावांध्ये शनिवारी दि 07 फेब्रवारी 2026 मतदानाशी आठवडे बाजार बंद राहतील.तसेच मतमोजणी दि.9 फेब्रवारी 2026 रोजी सोमवारी–अक्कलकोट शहर मंगळवेढा येथील बाजार बंद राहतील
