पोटच्या अल्पवयीन मुलीवर लैंगिक अत्याचार केल्याप्रकरणी आरोपी पित्याला जिल्हा विशेष न्यायाधीश डी एन सुरवसे यांनी वीस वर्षे सक्तमजुरी व वीस हजार रुपये दंडाची शिक्षा सुनावली आहे.दंड न भरल्यास एक वर्ष अतिरिक्त सक्तमजुरी भोगावी लागणार आहे.
15 जानेवारी 2020 रोजी घरात असताना आरोपीने आपल्याच मुलीवर अत्याचार केला.त्यानंतर काही दिवसांनी पुन्हा अशाच प्रकारचे घटना घडली.
हा प्रकार मोठ्या मुलीच्या निदर्शनास आल्यानंतर तिने आईला माहिती दिली.त्यानंतर आरोपी विरुद्ध बाल लैंगिक अत्याचार प्रतिबंधक कायदा तसेच बलात्काराचे कलम लावून गुन्हा दाखल करण्यात आला.सोलापूर तालुका पोलीस ठाण्याचे सहाय्यक पोलीस निरीक्षक देवडे यांनी तपास करून न्यायालयात दोषारोपपत्र दाखल केले.या प्रकरणात सरकार पक्षातर्फे ॲडव्होकेट शितल डोके यांनी तर आरोपीतर्फे ॲडव्होकेट झुरळे यांनी काम पाहिले.कोर्ट पैरवी म्हणून महिला कर्मचारी जमादार व काळे यांनी काम पाहिले.
