पालकमंत्र्यांनी घेतलेल्या स्वतंत्र बैठकी नंतर आमदार विजयकुमार देशमुख यांनी स्वतंत्र बैठक घेतल्याची चर्चा ताजी असतानाच महेश कोठे यांचे चिरंजीव प्रथमेश कोठे यांनी आपल्या समर्थक सात नगरसेवकांसह पुण्यात जाऊन स्वतंत्रपणे कागदपत्र सादर केल्याने भाजपामध्ये तीन वेगवेगळ्या चुली निर्माण झाल्याचे चित्र समोर आले आहे या संपूर्ण घटनेचे चर्चा सर्वत्र चर्चिली जात आहे.
महापालिकेच्या निवडणुकीत विजयी झालेल्या पक्षांना विभागीय आयुक्तांकडे आपल्या नगरसेवकाची आणि स्वतंत्र गटाची नोंदणी करावी लागत असते.
महापालिकेतील गटनेता निवडीसाठी भाजपच्या शहराध्यक्ष रोहिणी तडवळकर यांच्यासह इतर नगरसेवक गुरुवारी म्हणजे उद्या विभागीय आयुक्त कार्यालयात पोहोचणार आहेत.
तत्पूर्वीच प्रथमेश कोठे यांनी सात नगरसेवकांसह पुण्यात जाऊन कागदपत्रे सादर केली.या घटनेवर बोलताना शहराध्यक्ष रोहिणी तडवळकर यांनी प्रथमेश कोठे यांनी कौटुंबिक कारणास्तव स्वतंत्रपणे जाण्याबाबत परवानगी घेतली असल्याचे सांगत या प्रकरणावर पडदा टाकण्याचा प्रयत्न केला.तर प्रथमेश कोठे यांच्या घरात कार्यक्रम असताना इतर नगरसेवकांनी त्यांच्यासोबत पुणे कार्यालय का गाठले हा प्रश्न मात्र अनुत्तरीत आहे.
