सोलापूर : सोलापूर शहरात सशस्त्र दरोड्याच्या गुन्ह्यात फौजदार चावडी पोलीस ठाण्याच्या डी.बी. पथकाने मोठी कारवाई करत ८ आरोपींना अटक केली असून, त्यांच्याकडून एकूण २५ लाख १० हजार ३०० रुपयांचा मुद्देमाल जप्त करण्यात आला आहे. या कारवाईमुळे शहरात खळबळ उडाली आहे.
दिनांक ६ जानेवारी २०२६ रोजी रात्री सुमारे ११ वाजण्याच्या सुमारास जुन्या करंबा नाका परिसरात फिर्यादी यांच्यावर मोटारसायकलवर आलेल्या अज्ञात आरोपींनी चाकू व धारदार शस्त्रांच्या धाकाने दरोडा टाकला होता. आरोपींनी फिर्यादीकडील २३ लाख रुपये रोख रक्कम व बॅग जबरदस्तीने हिसकावून घेत घटनास्थळावरून पळ काढला होता.
या प्रकरणी फिर्यादीच्या तक्रारीवरून फौजदार चावडी पोलीस ठाण्यात गुन्हा क्रमांक १५/२०२६ दाखल करण्यात आला. गुन्ह्याचे गांभीर्य लक्षात घेऊन पोलीस आयुक्तांच्या मार्गदर्शनाखाली डी.बी. पथकाने तात्काळ तपास सुरू केला.
तांत्रिक विश्लेषण, गोपनीय बातमीदार व सीसीटीव्ही फुटेजच्या आधारे तपास करताना शहरातील विविध भागातून ८ संशयित आरोपींना ताब्यात घेण्यात आले. चौकशीत आरोपींनी गुन्ह्याची कबुली दिली.
👤 अटक केलेले आरोपी :
शाहिद अब्दुलगणी शेख
सोहेल हनीफ शेख
उमर फारुक जलाल शेख
मुजहर युनूस सय्यद
समीर राजमहम्मद शेख
मोईन शौकत शेख
जमीर रफिक शेख
अल्ताफ कादर सय्यद
(सर्व आरोपी सोलापूर शहरातील विविध भागातील रहिवासी आहेत.)
💰 जप्त मुद्देमाल :
गुन्ह्यातील २३,००,००० रुपये रोख
३ मोटारसायकली
मोबाईल फोन
दरोड्यासाठी वापरलेली शस्त्रे
एकूण जप्त मुद्देमालाची किंमत २५,१०,३०० रुपये असल्याचे पोलिसांनी सांगितले.दिनांक ८ जानेवारी २०२६ रोजी आरोपींना पोलीस कोठडी सुनावण्यात आली असून, पुढील तपास सुरू आहे. या कारवाईमुळे शहरातील दरोडेखोर टोळीचा पर्दाफाश झाला असून नागरिकांनी पोलिसांच्या कामगिरीचे कौतुक केले आहे.
ही कारवाई पोलीस उपायुक्त, सहायक पोलीस आयुक्त, वरिष्ठ पोलीस निरीक्षक तसेच फौजदार चावडी पोलीस ठाण्याच्या डी.बी. पथकातील अधिकारी व कर्मचाऱ्यांच्या संयुक्त प्रयत्नातून करण्यात आली आहे.
