सोलापूर महानगरपालिका निवडणुकीच्या पार्श्वभूमीवर सोलापूर शहर पोलिसांनी अवैध धंद्यावर अंकुश ठेवण्यासाठी कारवाईचा बडगा उगारला आहे. आदर्श आचारसंहितेचे पालन व्हावे यासाठी पोलिसांनी कारवाईचा धडाका सुरू केला आहे. सलग दोन दिवसात पोलिसांनी केलेल्या कारवाई विनापरवाना सभा घेणाऱ्या एमआयएमचा माजी नगरसेवक अजहर अब्दुल गणी हुंडेकरींसह आठ नगरसेवकांंर गुन्हा दाखल केला आहे. काँग्रेसचे माजी नगरसेवक रियाज हुंडेकरी याच्या जुगार अड्ड्यावर धाड टाकून गुन्हा दाखल करण्यात आला आहे. शहरातील अवैध धंद्यांवर यापुढेही अशीच कठोर कारवाई सुरू राहील. निवडणुकीच्या काळात कोठे अनुसूचित प्रकार घडत असल्यास त्याची माहिती नागरिकांनी पोलीस यंत्रणेला द्यावी. संबंधितांची नावे गोपनीय ठेवण्यात येईल, असे पोलीस आयुक्त राजकुमार यांनी सांगितले.
