रोशन भुतडा यांचं शतकीय रक्तदान.. शतकवीर दाता

सोलापूर : भवानी पेठ येथील रहिवासी रोशन जमनादास भुतडा यांनी शतकीय रक्तदान करून आपल्या नावाने शतकवीर रक्तदाता चा किताब मिळविला. ते गेल्या 27 वर्षांपासून नियमित रक्तदान करत आले आहेत आणि इतर लोकांना सुद्धा प्रेरणा देत प्रत्येक डिसेंबर महिन्यात आपल्या पूर्वजांच्या स्मरणार्थ ते रक्तदान शिबिर करून समाजसेवा करीत आले आहेत या शतकीय रक्तदान निमित्त इंडियन रेडक्रॉस सोसायटी सोलापूर सेंटर चे चेअरमन डॉ. राजीव प्रधान आणि खजिनदार खुशाल देढिया यांच्या हस्ते मानपत्र व पुष्पगुच्छ देऊन सत्कार करण्यात आले. या कार्यक्रमास जमनादास भुतडा, चंद्रकला भुतडा, घनश्याम भुतडा, नवनीत भुतडा, सीमा भुतडा,गिरीश भुतडा,दर्शन भुतडा,सुमित भुतडा व इतर व्यापारी वर्ग आणि समाज बांधव उपस्थित होते. रविवारी आयोजित रक्तदान शिबिरात एकूण 157 रक्त संकलन करण्यात आले. सोलापुरात सर्वाधिक शतकवीर रक्तदाते असल्याचे डॉ. प्रधान यांनी विशेष उलेख केला