तेरा वर्षाच्या अल्पवयीन मुलीला अनेक आमिष दाखवून तिच्यावर वारंवार अत्याचार करणाऱ्या सोलापुरातील नराधमास जिल्हा व सत्र न्यायाधीश डी एन सुरवसे यांनी मरेपर्यंत जन्मठेप व 20 हजारांच्या दंडाची शिक्षा सुनावली.
पीडित मुलीने बाळाला जन्म दिला असून डीएनए अहवालावरून व साक्षी पुराव्याद्वारे विकास दिगंबर शिंदे हा आरोपी बाळाचा जनक असल्याचे निदर्शनास आले. न्यायालयाने आरोपी विकास शिंदे यास भारतीय दंड विधान कलम 376, तीन प्रमाणे आजन्म कारावासाची शिक्षा व 20 हजार रुपये दंड, दंड न भरल्यास दोन महिने सक्त कारावासाची शिक्षा सुनावली. शिवाय मनोधैर्य योजनेखाली ही रक्कम पीडितेस देण्याचा आदेश विधी सेवा प्राधिकरण यांना केला. यामध्ये सरकारी वकील प्रकाश जन्नू व शीतल डोके यांनी काम पाहिले. आरोपी तर्फे वकील एम.डी. सोलंकर तसेच तपासी अंमलदार एसीपी ताकवले, कोर्ट पैरवी कोकणे व पोलीस शिपाई काळे यांनी काम पाहिले.
