देगाव – सामाजिक कार्यात अग्रेसर असणारी आस्था सामाजिक संस्थेच्या वतीने दरवर्षी प्रमाणे या वर्षी पी.एम.श्री जिल्हा परिषद मुलींची शाळा देगाव येथील अनाथ,गरिब, गरजू होतकरू विद्यार्थिनींना शैक्षणिक साहित्य वाटप करण्यात आले. या कार्यक्रमाच्या व्यासपीठावर अध्यक्षस्थानी आस्था सामाजिक संस्थेचे अध्यक्ष आनंद तालिकोटी, संचालक देविदास चेळेकर, योगेश कुंदुर प्रसिद्धी प्रमुख सुहास छंचुरे, मुख्याध्यापक प्रशांत लंबे सिद्धू बेऊर यांची उपस्थिती होती.प्रथम क्रांतीज्योती सावित्रीबाई फुले यांच्या प्रतिमेस पुष्पहार अर्पण करून दीप प्रज्वलन करण्यात आले.
या शालेय शैक्षणिक साहित्यामध्ये वही, पॅड, कंपास, बॅग इत्यादी साहित्य प्रमुख मान्यवरांच्या हस्ते वाटप करण्यात आले.या प्रसंगी आपल्या भाषणात देविदास चेळेकर यांनी आस्था सामाजिक संस्थेनी केलेले शैक्षणिक साहित्य उपक्रम कौतुकास्पद आहे मुलींच्या शाळेत साहित्य देताना आम्हाला खूपच समाधान वाटलं कारण या शाळेमध्ये गरीब कामगाराच्या मुली शिक्षण घेत असतात आणि त्या अत्यंत हुशार मुली आहेत शैक्षणिक साहित्य देण्यामागचा उद्देश असा आहे की भारत देशामध्ये मुली घडल्या पाहिजे व शैक्षणिक विषयांमध्ये अग्रेसर झाले पाहिजे तसेच विविध स्पर्धा परीक्षेत सहभाग घेतले पाहिजे शाळेचे नाव उज्वल करतीलच यात शंका नाही तसेच समाज व देश देखील घडला पाहिजे असे म्हणाले.तसेच सुहास छंचुरे यांनी आपल्या भाषणात म्हणाले की शैक्षणिक साहित्य देण्यामागचा उद्देश असा की समाजाचा पण काहीतरी देऊन जातो सामाजिक बांधिलकी जोपासत हा उपक्रम आम्ही दरवर्षी राबवतो आपण एकमेकांना मदत केली पाहिजे दुसऱ्याला मदत केल्याने आनंद मिळतो व समाधान मिळते खरंतर विद्यार्थ्यांना शैक्षणिक प्रवाहात आणणे आणि शिक्षणाची गोडी लागावी शिक्षणाचा शिक्षणाचा प्रवास सुखकर व्हावा व आनंदमय व्हावा बऱ्याचदा असे वाटते की काय मदत व दान करावे द्यायला पाहिजे तर मुलींचा शिक्षणाचा मार्ग सुखकर केला तर किती आनंद होऊ शकतो भविष्याची स्वप्न रंगणार आहेत त्यांच्या चेहऱ्यावर पाहून आनंद झाला खूप शिका मोठे व्हा स्वप्न उराशी बाळगा व शाळेचे नाव लौकिक करा असे म्हणालेया कार्यक्रमाचे सूत्रसंचालन जयश्री मेलगे पाटील यांनी केले तर आभार प्रदर्शन वैशाली कुलकर्णी यांनी मानले.हा कार्यक्रम यशस्वी करण्यासाठी प्रशालेतील मुख्याध्यापक प्रशांत लंबे शिक्षक वर्ग संगीता कुलकर्णी, वैशाली कोरे, शितल पाटील, प्रणाली जमादार यांनी परिश्रम घेतले. या शैक्षणिक साहित्यासाठी दानशूर व्यक्ती काशिनाथ राठोड ,माऊली तळीखेडे, नगरसेवक विनोद भोसले, समाजसेवक शिवम भैय्या सोनकांबळे यांचे विशेष सहकार्य लाभले
