चित्रकलेला प्रोत्साहन देण्यासाठी व विद्यार्थ्यांमध्ये चित्रकलेची आवड निर्माण व्हावी यासाठी स्वतः कलाशिक्षक असलेले चित्रकार लक्ष्मण सिताराम बोराडे यांनी ७६ व्या प्रजासत्ताक दिनी जिल्हा परिषदेच्या मार्डी, नरोटेवाडी, वडाळा अशा शाळांमध्ये चित्रकला व रंगभरण स्पर्धेचे आयोजन केले. यामध्ये या शाळातून 350 विद्यार्थ्यांनी सहभाग घेतला.उत्कृष्ट चित्रांना बक्षीसे देऊन व सहभागी विद्यार्थ्यांना प्रमाणपत्र देण्यात आले.
प्रजासत्ताकदिनी शहाजी पवार, नरोटेवाङी चे सरपंच उमेश भगत तसेच वडाळा गावचे सरपंच जितेंद्र साठे या मान्यवरांच्या हस्ते या स्पर्धेचे बक्षीस वितरण करण्यात आले.
आयोजक लक्ष्मण बोराडे यांच्या या उपक्रमाचे विविध शाळा मधून कौतुक होत आहे. प्रत्येक मुलांना कलेची आवड निर्माण व्हावी. कुठल्याही कलाकाराला पैशा पेक्षा शाबासकी आणि कौतुकाची थाप हवी असते. असे चित्रकार लक्ष्मण सिताराम बोराडे म्हणाले.
