प्रिसीजन गप्पांच्या समरोपात सोलापूरकर झाले विठ्ठलमय
सोलापूर – पारंपरिक अभंगांना, संत रचनांना नवीन पिढीच्या नव्या भाषेत अर्थात प्यूजन संगीताचा, आधुनिक वाद्य संगीताचा साज देत सादर होणारा भन्नाट कार्यक्रम ‘अभंग रिपोस्ट’ प्रिसिजन फउंडेशन आयोजित ‘प्रिसिजन गप्पा’ मध्ये सादर करण्यात आला. प्रतीश मस्के, अजय वाव्हाळ, पियुष आचार्य, विराज आचार्य, दुष्यंत देवरुखकर आणि स्वप्नील तर्फे हे कलाकार नव्या पिढच्या नव्या ढंगात अभंग सादर केला. कार्यक्रमाच्या सुरवातीस सर्व कलाकारांचा सत्कार करण्यात आला.
संगीताला भौगोलिक प्रदेश अडवू शकत नाही. पाश्चात्य वाद्ये पाश्चात्य ताल, लय व सूर भारतीय पौर्वात्य असा मिलाफ असा वैश्विक असतो; याचा अनुभव देणारे सर्वांगसुंदर अभंग सादरीकरण. भारतीय लोकसंगीत, अभिजात संगीत व पाश्चात्य लयसंगीत यांची खमंग-अभंग भेळ रसिकांनी आस्वादली. निमित्त होते प्रिसीजन गप्पांचे!
बेस गिटार, लिड गिटार, हार्मोनियम, ड्रमसेट, तबला, दिमडी, ट्रिपल सेट, टोन डिस्क, ड्रमसेट व लोकसंगीत मुंबई लोकलच्या पटरीवरून जातानाचा आवाज, असे वेगळे प्रयोग करत अभंग श्रोत्यांच्या काळजात रिपोष्ट केले.
प्रारंभी विठ्ठलाचा गजर हृदयातून येतो, असे सांगत सर्व प्रेक्षकांना विठ्ठलाचा जयघोष करायला लावला.
मनी नाही भाव, देवा मला पाव! तुकडोजी महाराज, मुंगी साखरेचा रवा, जसे दुधामध्ये लोणी तसा देही चक्रपाणी, देह देवाचे मंदिर आत आत्मा परमेश्वर , देवाचिये द्वारी उभा क्षणभरी तेणे मुक्ती चारी साधियेला, पापाची वासना नको दावू डोळा, दीपा नाही पाठी पोटी अंध:कार, सर्वांगी साखर आवघी गोड, चंदनाचे हात पायही धून, कशाला काशी जातो रं बाबा, कशाला पंढरी जातो, चल सखे चल गं सखे पंढरीला अशा विविध अभंग रचना व भक्तीगीते सादर केले.
संत ज्ञानदेव, संत तुकाराम महाराज, संत तुकडोजी महाराज, यात भारूड, दादला नको गं बाई! व यापुढे सादर केलेले प्रकार विविध संतांच्या रचना सादर करून रसिकांना मंत्रमुग्ध केले. सर्वात शेवटी आधुनिक पद्धतीने पसायदान गाऊन झाली. कार्यक्रमाचे सूत्रसंचालन व आभार माधव देशपांडे यांनी केले.
