पोलीस आयुक्तालाच्या 32 व्या वर्धापन दिनानिमित्त आयोजित पोलीस कमिशनर ट्रॉफी CP चषक क्रिकेट स्पर्धेमध्ये पोलीस अधिकारी व कर्मचारी यांच्यासाठी आयोजित स्पर्धेमध्ये एकूण 12 संघाने सहभाग नोंदवला. ही स्पर्धा पोलीस मुख्यालय हेडकॉटर मैदानावर खेळण्यात आली. या स्पर्धेचा अंतिम सामना जेलरोड पोलीस ठाणे विरुद्ध एमआयडीसी पोलीस ठाणे या दोन संघादरम्यान झाला. प्रथम फलंदाजी करताना जेलरोड पोलीस ठाणे संघाने 8 षटकात 4 बाद 98 धावा केल्या. यामध्ये जेलरोड पोलीस ठाणे संघाकडून फलंदाजी मध्ये वसंत माने 42 धावा,विनोद दांडगे 25 धावा,हरीश पवार 20 धावा केल्या गोलंदाजी मध्ये एमआयडीसी संघाकडून राजपाल सर्ववदे,प्रवीण वाघमारे महेश आरकाल यांनी प्रत्येक 1 खेळाडू बाद केले.
या धावसंख्येचा पाठलाग करताना एमआयडीसी पोलीस ठाणे संघाने 7.4 षटकात 4 बाद 99 धावा करून विजय मिळवला.एमआयडीसी पोलीस ठाणे संघाकडून फलंदाजी मध्ये महेश आरकाल नाबाद 58 धावा, प्रशांत सुरवसे 18 धावा,सुहास अर्जुन नाबाद 13 धावा केल्या. गोलंदाजी मध्ये जेलरोड पोलीस ठाणे संघाकडून मनोज मोरे 3,हर्षद मुजावर एक खेळाडू बाद केला. हा सामना एमआयडीसी पोलीस ठाणे संघाने सहा गडी राखून सामना जिंकला. आणि पोलीस कमिशनर ट्रॉफी CP चषक स्पर्धा जिंकली.अंतिम सामन्यातील सामनावीर व
उत्कृष्ट फलंदाज महेश आरकाल 174 धावा,
उत्कृष्ट गोलंदाज मनोज मोरे 7 ,विकेटमालिकावीर राजू चव्हाण 105 धावा व 5 विकेट.
या स्पर्धेच्या बक्षीस वितरणासाठी सोलापूर पोलीस आयुक्त माननीय एम राजकुमार,झोन डीसीपी विजय कबाडे,क्राईम सहाय्यक आयुक्त राजन माने व महाराष्ट्र रणजी संघाचे कोच सुलक्षण कुलकर्णी महाराष्ट्र रणजी पट्टू महाराष्ट्र निवड समितीचे सदस्य रोहित जाधव सर अंडर19 भारतीय संघाचा व आयपीएल खेळाडू अर्शीन कुलकर्णी, अंडर 19 भारतीय संघाचा खेळाडू सचिन धस
महाराष्ट्र अंडर 16 कॅप्टन अथर्व काळे यांच्या उपस्थितीमध्ये या स्पर्धेचा बक्षीस वितरणाचा कार्यक्रम पार पडला.
स्पर्धा यशस्वी करण्यासाठी माननीय राजन माने साहेब (क्राइम ACP),गायकवाड साहेब(API),निलेश सोनवणे सर ( API),मुकेश गायकवाड सर (PSI) व महेश आरकाल, नागेश गुळवे यांनी परिश्रम घेतले. या स्पर्धेसाठी पंच म्हणून चंद्रकांत मंजेली,अशोक डोंबाळे, गुणलेखक दत्ता बडगु समालोचक म्हणून शंकर पवार नागप्पा कोप्पा यांनी काम पाहिले.
