सोलापूर : सोलापूर महापालिकेचे माजी आयुक्त चंद्रकांत गुडेवार यांनी भाजप जॉईन करण्याची इच्छा व्यक्त केली असून सोलापूर शहर मध्य मतदारसंघातून विधानसभा निवडणूक लढविण्याबाबत भाजपकडे मागणी केली आहे. डिसेंबर 2023 मध्ये ते सेवानिवृत्त झाले. सोलापूर महापालिकेत असताना त्यांनी जोरदार कारकीर्द गाजवली. सोलापूर शहरातील पूर्व भागातील तेलगू भाषिक समाज, तसेच शहरात त्यांना मानणारा वर्ग आहे. बऱ्याच दिवसापासून त्यांनी विधानसभा निवडणूक लढवावी अशी अनेकांकडून मागणी होत होती. उपमुख्यमंत्री देवेंद्र फडणवीस यांच्याकडे गुढीपाडव्यांनी आपला बायोडाटा पाठवला असून शहर मध्य मतदार संघातून भाजपने आपल्याला उमेदवारी द्यावी अशी मागणी केली आहे. सोलापूर शहर मध्य मतदार संघातून काँग्रेसचे आमदार प्रणिती शिंदे तीन वेळा निवडून आल्या त्या आता खासदार झाल्यामुळे प्रत्येकाला हा मतदारसंघ सोपा वाटू लागला आहे. शहर मध्य मतदार संघात आता इच्छुकांची खूप मोठ्या प्रमाणावर गर्दी होत आहे हे नक्की.
