बार्शी – यशोदा शिक्षण प्रसारक मंडळ संचलित अभिनव प्राथमिक विद्यामंदिर, बार्शी शाळेचे वार्षिक स्नेह संमेलन दि -३०/१२/२०२३ रोजी यशवंतराव चव्हाण सभागृहात उत्साहाने संपन्न झाले.
या स्नेहसंमेलनाचे उद्घाटन यशोदा शिक्षण प्रसारक मंडळ, बार्शीचे मा. अरुण दादा बारबोले, नगरपालिका प्राथमिक शिक्षण मंडळाचे प्रशासन अधिकारी मा. अनिल बनसोडे साहेब,पालक प्रतिनिधी त्रिशूल लटके , सलमान शेख, आशा डाके यांचे हस्ते आद्य शिक्षिका सावित्रीबाई फुले , संस्थेचे संस्थापक कै. आण्णाजी बारबोले आणि रंगदेवता श्री नटराज यांच्या प्रतिमा पूजनाने करण्यात आले. यावेळी व्यासपीठावर पर्यवेक्षक मोहन लोहार, सोजर इंग्लिश स्कूल माध्यमिकचे मुख्याध्यापक संदीप पोळ, सोजर इंग्लिश स्कूल प्राथमिक विभाग मुख्याध्यापिका रिटा नेटके आदी मान्यवर उपस्थित होते.
या वार्षिक स्नेहसंमेलनात बालवाडी ते इयत्ता सातवीच्या विद्यार्थ्यांनी गणेश वंदना, जोगवा, रिमिक्स लावणी , बडबड गीत , लोकगीत, फनी डान्स या सारखे विविध नृत्य प्रकार सादर केले.
कार्यक्रमाच्या सुरुवातीला मान्यवर अतिथी यांचे शाल, बुके देऊन स्वागत करणेत आले. त्यानंतर गुणवंत विद्यार्थी आरोही पंढरे ( पहिली ), मारिया बागवान ( दुसरी ), शोएब शेख ( तिसरी ), स्वराली पवार ( चौथी ), कु शोएब शेख ( पाचवी ), ओंकार मिरगणे ( सहावी ), वर्तिका तावडे ( सातवी*) यांचा सत्कार करण्यात आला. यावेळी संस्थेच्या सचिवा मा. कल्पनाताई बारबोले याही उपस्थित होत्या. त्यांचा सत्कार शाळेच्या शिक्षिका सोनवतीकर यांनी केला.
या कार्यक्रमाचे सूत्र संचालन शिक्षिका माधुरी सोनवतीकर व आधार भालेराव यांनी केले. तर आभार प्रदर्शन अनंत लंकेश्वर यांनी केले. हा कार्यक्रम यशस्वी करणेसाठी शाळेच्या सर्व शिक्षक यांनी अथक परिश्रम घेतले.
