सोलापूर, दि. 18 (जि.मा.का.) :- केंद्रीय महिला व बाल विकास मंत्रालयाच्या वतीने प्रधानमंत्री राष्ट्रीय बाल पुरस्कार दरवर्षी प्रदान केला जातो. यासाठी अर्ज पाठवण्याची अंतिम तारीख ही 31 ऑगस्ट 2023 करण्यात आली आहे. प्रधानमंत्री राष्ट्रीय बाल पुरस्कार 2024 करीता अर्ज सादर करण्याच्या प्रक्रीयेची संपुर्ण माहिती https://awards.gov.in या संकेतस्थळावर उपलब्ध असल्याची माहिती जिल्हा महिला व बाल विकास अधिकारी डॉ. विजय खोमणे यांनी दिलीआहे.
असामान्य धाडस, क्रीडा, समाजसेवा, विज्ञान आणि तंत्रज्ञान पर्यावरण कला आणि संस्कृती तसेच नवोन्मेष या क्षेत्रातील अतुलनीय कार्याला राष्ट्रीय पातळीवर नावलौकीक मिळवून देण्याच्या उद्देशाने या पुरस्कारांची सुरवात करण्यात आली आहे.
भारताचे नागरीकत्व आणि रहिवाशी असेलेली मुले मुली ज्यांचे वय १८ वर्षापेक्षा कमी आहे. असे या पुरस्कारासाठी अर्ज करु शकतात. अथवा कोणीही भारतीय नागरीक देखील पुरस्कारासाठी पात्र असणाऱ्या मुलांमुलीचे नामांकन करु शकतात. या पुरस्कारांसाठीचे अर्ज विहीत केलेल्या https://awards.gov.in या संकेतस्थळाच्या माध्यमातुनच स्विकारण्यात येणार आहेत. असेही जिल्हा महिला व बाल विकास अधिकारी डॉ. खोमणे यांनी पत्रकान्वये कळविले आहे.
