सोलापूर : उत्तर सोलापूर तालुक्यातील नान्नजमध्ये शनिवारी अमीर अल्ताफ मुजावर वय 14 या मुलाचा अरबाज आयुब शेख वय 22 याने रुमालाने गळा दाबून व दगडाने ठेचुन खून केला आहे. शनिवारी दुपारी अल्ताप हा अमिर यास घरून बाहेर घेऊन गेला होता. सायंकाळपर्यंत अमिर घरी न परतल्याने त्याच्या मोबाईलवर फोन केला असता मोबाईल बंद लागत होता. रात्री नऊच्या दरम्यान अरबाज यास फोन करून विचारले असता तो म्हणाला अमिर हा मार्डीत मित्राकडे आहे.
त्यावेळी मयत आमिर यांचे आई-वडील यांना अरबाजचा संशय आल्याने त्यांनी उत्तर पोलिसात तक्रार देण्यासाठी गेले. पोलिसांनी अरबाज यास चौकशी केली असता तो सुरुवातीला पोलीसांना उडवाउडवीची उत्तरे देऊ लागला. पोलीस खाक्या दाखवताच नान्नज मार्डी रस्त्यावरील बिचडू यांच्या शेता शेजारी नेहून दारू पाजली व स्वतः ही पिला. त्यानंतर त्याचा गळा दाबून डोक्यात दगड मारल्याची कबुली दिली. घटनास्थळी अमिर याच्या तोंडातून,नाकातून रक्तस्राव होऊन रक्ताच्या थारोळ्यात पडला होता. आरोपी अरबाज शेख याच्याविरोधात कलम ३०२ व ३६४ प्रमाणे गुन्हा दाखल झाला आहे. पुढील तपास उत्तर पोलीस निरीक्षक सुहास जगताप करत आहेत.
