खा.प्रणिती शिंदे आज गाजवणार ‘दिशा’…करणार पोस्टमार्टम…!

खासदार प्रणिती शिंदे अध्यक्ष असलेल्या दिशा कमिटीची आज नियोजन भवनात दुपारी दीड वाजता बैठक होत आहे. केंद्र सरकारच्या माध्यमातून आलेल्या निधीचा तसेच कामाचा या बैठकीमध्ये आढावा घेतला जातो. त्यामुळे डीपीडीसी च्या बैठकीपेक्षाही जास्त म्हणजे सुमारे 70 हून अधिक विभागाचे अधिकारी या बैठकीला हजर राहतील. खासदार ज्योती वाघमारे, खासदार ओमराजे निंबाळकर, खासदार धैर्यशील मोहिते पाटील यांच्या उपस्थितीत ही बैठक होणार आहे. एन एच ए आय, रेल्वे, पोस्ट,पासपोर्ट, महावितरण यांच्यासह राज्य सरकारच्या विविध विभागाच्या अनेक तक्रारी प्रणिती शिंदे यांच्याकडे आले आहेत. विशेष म्हणजे त्या विरोधी पक्षाच्या खासदार असल्यामुळे आज त्या या बैठकीच्या अध्यक्ष या नात्याने विविध विभागांना चांगलंच फैलावर घेतील असे दिसते. केंद्र आणि राज्य सरकारच्या विविध योजनांचा सविस्तर आढावा घेण्यासाठी सीनियर खासदाराच्या अध्यक्षतेखाली दिशा कमिटी प्रत्येक जिल्ह्यात स्थापन केली जाते. आज विभागीय आयुक्त शितल तेली उगले यांचा दौरा आणि त्यातच प्रणिती शिंदे यांची यांच्या अध्यक्षतेखाली होणारी ही महत्त्वाची बैठक यामुळे प्रशासकीय अधिकाऱ्यांची चांगलीच तारांबळ होणार आहे.