No Result
View All Result
- परभणीत दुचाकीवर रील तयार करणं विद्यार्थ्यांच्या जीवावर बेतलं आहे. झेंडावंदनला एकाच गाडीवर जाणाऱ्या चार विद्यार्थ्यांचा रील तयार करताना अपघात झाला. यामध्ये उपचारादरम्यान एका विद्यार्थ्याचा मृत्यू झाला आहे तर तीन विद्यार्थी गंभीर जखमी आहेत. गाडीवर चौघे जण जाताना “मेला या चित्रपटातील डर है तुझे किस बात का?” या गाण्यावर विद्यार्थी रील तयार करत होते. यावेळी त्यांच्या गाडीला अपघात झाला. उपचारासाठी त्यांना जवळच्या रुग्णालयात दाखल करण्यात आले होते.
- या अपघातानंतर या 4 जणांचा एक व्हिडिओ व्हायरल झाला आहे. ज्यात हे चार जण शाळेकडे जात असताना पाथरी सोनपेठ मार्गावर चक्क रील बनवत होते. हा व्हिडीओ अपघातापूर्वी काही वेळ अगोदरचा असल्याचे पोलिसांनी सांगितले आहे. त्यामुळे एका दुचाकीवर 4 जण त्यात मोबाईल वर रिल बनवणे या 4 ही जणांना चांगलेच महागात पडले आहे..यात जो गाडी चालवतोय तो स्वप्नील चव्हाण असून त्याचा हा अपघातात एक हात तुटलाय.. तर शंतनू सोनवणे या विद्यार्थ्यांचा उपचारादरम्यान मृत्यू झाला आहे. इतर विद्यार्थ्यांची प्रकृती चिंताजन आहे. त्यांच्यावर अंबाजोगाईच्या रुग्णालयात उपचार सुरू आहेत.
- आज देशभरात आनंदाने प्रजासत्ताक दिन साजरा केला जातोय. परभणीत याच दिवशी दुर्दैवी घटना घडल्यामुळे सगळीकडे हळहळ व्यक्त केली जात आहे.
No Result
View All Result
