सोलापूर : खरीप हंगाम 2022 च्या अनुषंगाने खते व बियाणे निविष्ठा उपलब्धता, खरेदी व दराबाबत काही अडचणी उद्भवल्यास जिल्हास्तरावर जिल्हा अधीक्षक कृषी अधिकारी कार्यालयात तक्रार निवारण कक्षाची स्थापन करण्यात आली. जिल्ह्यातील निविष्ठा विक्रेते व शेतकरी बांधवानी आपल्या तक्रारीचे निराकरण करण्यासाठी 8446532173 या भ्रमणध्वनी क्रमांकावर संपर्क साधावा, असे आवाहन जिल्हा अधीक्षक कृषी अधिकारी बाळासाहेब शिंदे यांनी केले आहे.
कृषी कार्यालयाला खते व बियाणे निविष्ठा उपलब्धतेसाठी अडचणी येत असून त्याबाबत मोठ्या प्रमाणात तक्रारी, दूरध्वनी, इमेल व समक्ष पत्राद्वारे प्राप्त होत आहेत. कामाची व्याप्ती पाहता सर्व तक्रारीचे निवारण करण्यास विलंब होत आहे, असे निदर्शनास आले आहे.
