येस न्युज मराठी नेटवर्क – सोलापूर महानगरपालिका आरोग्य विभागाच्या वतीने आज इंद्रप्रस्थ मंगल कार्यालय मध्ये जागतिक परिचारक दिनानिमित्त कार्यक्रमाचे आयोजन करण्यात आले होते. या कार्यक्रमाचे प्रास्ताविक परिचारिका अंजु काकडे यांनी केले. यावेळी माजी नगरसेवक बाबा मिस्त्री, सहाय्यक आरोग्य अधिकारी डॉ अरुंधती हराळकर, ,राष्टीय आरोग्यचे शहर कार्यक्रम व्यवस्थापक डॉ.अतिश बोराडे आदी मान्यवरांच्या यांच्या हस्ते दीप दीपप्रज्वलन करण्यात आले.त्यानंतर सामूहिक प्रतिज्ञा घेण्यात आले. यावेळी प्रजनन व माताबाल संगोपन कार्यालय,डफरिन प्रसुती गृह, मदर तेरेसा पॉलिक्लिनिक,विडी घरकुल ना.आ.केंद्र, शेळगी ना.आ.केंद्र,मुद्रा सनसिटी ना.आ.केंद्र, जोडभावी ना.आ.केंद्र 8. बाळे ना.आ. केंद्र,जिजामाता ना.आ.केंद्र, नई जिंदगी ना.आ.केंद्र, रामवाडी ना.आ.केंद्र, सोरेगांव ना.आ.केंद्र,साबळे ना.आ. केंद्र, सिव्हिल ना.आ. केंद्र भावनाऋषी ना.आ.केंद्र या नागरिक आरोग्य केंद्रात काम करणाऱ्या व कोरोनच्या काळामध्ये काम केलेल्या परिचारकरांचा सन्मान करण्यात आला. या कार्यक्रमाचे सूत्रसंचालन रेश्मा तलफदार, संगीता गुरव तर आभार प्रदर्शन अनिता आकाशी यांनी केले. यावेळी डॉ. सुहासिनी वाळवेकर, डॉ. मंजुषा चाफळकर, डॉ.तवनगी जोग, डॉ. स्वरांजली पवार,डॉ. लता रणखांबे, डॉ. संस्कृती वळसंगकर आदी उपस्थित होते.
