येस न्युज नेटवर्क : श्री स्वामीनारायण गुरुकुल’ इंटरनॅशनल शाळा कुंभारी, सोलापूर येथील गुरुकुल मध्ये दिनांक २६ फेब्रुवारी रोजी गुरुकुल एज्युफेअर अर्थात विज्ञान प्रदर्शन आयोजन करण्यात येणार आहे. या प्रदर्शनाचे प्रमुख पाहुणे म्हणून सोलापूर जिल्ह्याचे जिल्हाधिकारी मिलिंद शंभरकर , दक्षिण सोलापूर तालुका गटशिक्षणाधिकारी मल्हारी बनसोडे उपस्थित राहणार आहेत.
या प्रदर्शनामध्ये गुरुकुलातील विद्यार्थ्यांनी केलेले विविध विषयावरील मॉडेल, प्रोजेक्ट, प्रयोग: संशोधन सादर करणार आहेत. हे प्रदर्शन शिक्षकांच्या मार्गदर्शनाखाली विद्यार्थ्यांच्या बाल प्रतिभेने सजलेली असेल त्याचबरोबर हे प्रदर्शन सोलापूर वासियांसाठी अत्यंत उपयोगी ठरेल. याकामी संस्थेचे वरिष्ठ आचार्य श्री कृष्णचरणदास स्वामीजी व मुख्य आचार्य विश्वमंगलदास स्वामीजींचे आशीर्वाद लाभलेले आहेत. सर्व सोलापूरवासीयांना आवाहन करण्यात येत आहे की या प्रदर्शनास 26 फेब्रुवारी सकाळी ९ ते दुपारी २ वाजेपर्यंत भेट देऊन आनंद घ्यावा असे आवाहन संस्थेचे मुख्याध्यापक संतोष भालकी यांनी पत्रकार परिषदेत माहिती दिली. या पत्रकार परिषदेला मुख्याध्यापक संतोष भालकी, मुख्य आचार्य विश्र्वमंगळ दास स्वामीजी , ब्रम्हस्वरूपदास स्वामीजी, मदार काझी उपस्थीत होते.
