सोलापूर – महाराष्ट्र वीरशैव सभा महाराष्ट्र प्रदेश समितीच्या सदस्यपदी महेश मल्लिकार्जुन अंदेली यांची यांची एकमताने निवड करण्यात आली. प्रांतिक अध्यक्ष प्रा. प्रबुध्दचंद्र झपके यांनी ही निवड जाहीर केली. याप्रसंगी प्रांतसचिव नरेंद्र गंभीरे, जिल्हा अध्यक्ष सुरेश घोंगडे (मोहोळ) प्रकाश हत्ती व इतर मान्यवर सभासद उपस्थित होते.
महाराष्ट्र वीरशैव सभा ही संपूर्ण महाराष्ट्रातील वीरशैव समाजतल्या सर्व पोटजातीची समन्वय साधणारी शिखर संघटना म्हणून ओळखली जाते. महेश अंदेली हे गेल्या 30 वर्षापासून महाराष्ट्र वीरशैव सभेमध्ये कार्यरत असून आजपर्यंत अनेक जबाबदाऱ्या घेऊन त्यांनी कार्य केले आहेत. सोलापूर जाहिरात एजन्सीज असोसिएशनचे विद्यमान अध्यक्ष व सोलापूर जिल्हा सहकारी ग्राहक भांडाचे व्हा. चेअरमन याही पदावर ते कार्यरत असून सोलापूर जनता सहकारी बँकेच्या संचालक पदावर 10 वर्षे कार्यरत होते. यांच्या या नवीन निवडीमुळे सर्वत्र अभिनंदन केले जात आहे.
