मच्छी मार्केटमधील गाळ्यातून वजन काट्याची चोरी….

सोलापूर :मंगळवार बाजारातील मच्छी मार्केट मधील गाळ्यातून दादाराव जगताप व शेखर जगताप यांनी दूकानातील वजन काटा नेल्याची फिर्याद तसेच खतावणी चोरल्याबाबत जोडभावी पेठ पोलिस ठाण्यात संजय रामचंद्र धतुरे यांनी तक्रार दिली आहे. पोलीस नाईक धुमाळ अधिक तपास करीत आहेत.
*
कांदे परदेशात विक्री करून 40 लाख 84 हजार रूपयांची फसवणूक…
उस्मान बागवान यांच्याकडून कांदे घेऊन परदेशात विक्री करून अधिक नफा मिळवून देण्याचे आमिष दाखवून इसाक भाऊ आलूवाले यांनी फसवणूक केल्याची फिर्याद फौजदार चावडी पोलिस ठाण्यात करण्यात आली आहे. कांदा विक्रीतून आलेल्या पैशांपैकी 55 लाख रुपये रोख व बँक खात्यात जमा केले . परंतु उर्वरित 40 लाख 84 हजारांची रक्कम दिलेली नाही व फसवणूक केल्याची फिर्याद फौजदार चावडी पोलिस ठाण्यात करण्यात आली आहे. पोलिस सबइन्स्पेक्टर देशमाने अधिक तपास करीत आहेत.
*
दुचाकी वेगाने चालविल्याने एकाचा मृत्यू….
दुचाकी वेगाने चालवून जावेद शेख याच्या मृत्यूस कारणीभूत ठरलेल्या समीर चडचणकर याच्याविरुद्ध जोडभावी पेठ पोलिस ठाण्यात गुन्हा नोंदवण्यात आला आहे. समीर चडचणकर याने दुचाकीने डिव्हायडर ला धडक मारली व पाठीमागे बसलेल्या जावेद शेख याचे डोक्याला गंभीर दुखापत झाली होती. याप्रकरणी पोलीस सब इन्स्पेक्टर ताकभाते हे अधिक तपास करीत आहेत.