सोलापूर : कोरोनाच्या प्रादुर्भावामुळे यंदाही सोलापूरातील श्री मार्कंडेय मंदिर बंदच असणार आहे. यामुळे पद्मशाली बांधवांना मंदिरात येऊन प्रत्यक्षात दर्शन घेता येणार नाही. याकडे पद्मशाली समाजाचा मोठा सण म्हणून बघितले जाते. अनेक बांधवांचा हिरमोड झाला आहे. गेल्या वर्षी पद्मशाली ज्ञाती संस्थेच्या सहकार्याने पद्मशाली वर्ल्डवाईडच्या माध्यमातून विदेशासह भारतातील अनेक राज्यांतून तब्बल त्रेचाळीस हजार बांधवांच्या घरात पोहोचले होते.
यासाठी पद्मशाली ज्ञाती संस्थेचे अध्यक्ष महेश कोठे, सचिव सुरेश फलमारी, मंदिराचे पुरोहित राघवेंद्र आरकाल यांचे सहकार्य मिळाले. पद्मशाली वर्ल्डवाईडचे संस्थापक अनुप अल्ले, सहसंस्थापक योगेश अल्ले, सचिव गौरीशंकर कोंडा, दर्शन पल्ली, कपिल आकेन यांनी विशेष परिश्रम घेतले.
अमेरिका, संयुक्त अरब अमिरात, कुवैत, सौदी अरेबिया, मलेशिया, ओमन, बांगलादेश, कॅनडा, कतार याविदेशासह भारतातील इतर राज्यातील पद्मशाली समाजातील बांधवांनी कुलदैवत चिरंजीव महर्षी मार्कंडेय महामुनींचे ऑनलाईन दर्शन घेतले होते. प्रसंगी २५०० हजार जणांनी कमेंट्स करुन स्वताचे मत व्यक्त केले होते. जवळपास १५००० हजार जणांनी थेट ऑनलाईन दर्शन घेतले होते. त्यानंतर इतरांसाठी व्हिडीओ पाठवले होते. बाकीच्यांनी आपल्या सोयीने व्हिडीओच्या माध्यमातून दर्शन घेतले होते. यावर्षी जवळपास पन्नास हजार पेक्षा जास्त बांधव अॉनलाईन दर्शन घेतील असे नियोजन केले जात आहे. यासाठी पद्मशाली वर्ल्डवाईडचे पदाधिकारी प्रयत्नशील आहेत.नारळी पौर्णिमा दिवशी म्हणजेच रक्षाबंधन रोजी रविवार, २२ अॉगस्ट रोजी पहाटे सकाळी ठीक ६.३० वाजल्यापासून थेट दर्शन कुलदैवत चिरंजीव महर्षी मार्कंडेय महामुनींचे अभिषेक आणि विधीवत महापूजा करतानाचे पाहायला मिळेल. त्यासाठी खालील लिंकवर क्लिक करून (पेस्ट द्वारे) फेसबुक माध्यमातून पहाच.
http://facebook.com/padmaworld
गतवर्षाप्रमाणे यंदा श्री मार्कंडेय ऑनलाईन दर्शन
