‘नर्मदा’ विरोधातील तक्रार निराधार

सोलापूर : नर्मदा हॉस्पिटलविरोधात तक्रार करणाऱ्या उस्मानाबाद येथील एका कोविड रुग्णाची तक्रार निराधार असून, चौकशी समितीने केलेल्या चौकशीत काहीच तथ्य नसल्याची माहिती जिल्हाधिकारी मिलिंद शंभरकर यांनी दिली.
दुसऱ्या लाटेत नर्मदा हॉस्पिटल प्रकरण खूपच गाजले होते.आतायावर पडदा पडला आहे. नर्मदा हॉस्पिटलमध्ये योग्य कोविड उपचार मिळत नसल्याची तक्रार एका युवकाने केली होती. सुरुवातीला तक्रारकर्ता रुग्ण हॉस्पिटलमधून उपचार करून घरी परतला होता. दोन दिवसांनंतर त्यास पुन्हा त्रास झाल्याने तो पुन्हा नर्मदा हॉस्पिटलमध्ये दाखल झाला. यावेळी तेथील कर्मचाऱ्यांनी रुग्णाशी चांगले वर्तन केले नाही. बिल भरल्याशिवाय डिस्चार्ज देत नाही.मला त्रास होतोय. कोणीतरी माझ्या तक्रारीची दखल घ्या, अशा भावना कोविड रुग्णाने एका व्हिडिओद्वारे व्यक्त केली. हा व्हिडिओ खूपच व्हायरला झाला. याची दखल जिल्हाधिकारी मिलिंद शंभरकर यांनी घेतली.रुग्णाचे म्हणणे ऐकून रुग्णाला इंदापूर येथील एका हॉस्पिटलमध्ये दाखल केले. त्यानंतर तक्रारीवर एक चौकशी समिती स्थापन करून चौकशीचे आदेश दिले. सिव्हिल हॉस्पिटलमधील डॉक्टर, मनपा उपायुक्त तसेच जिल्हा प्रशासनातील एक अधिकारी आदींनी चौकशी केली. हॉस्पिटलमधील सीसीटीव्ही कॅमरे, कागदपत्रे तसेच तेथील कर्मचाऱ्यांशी संवाद साधल्यानंतर चौकशीत काहीच तथ्य नसल्याचे आढळले, असे शंभरकरयांनी सांगितले.