सोलापूर : प्रसंगी सोलापूर व आसपासच्या जिल्ह्यातील प्रथम व एकमेव शासनमान्य डिग्री कॉलेज ऑफ फाईन आर्टचे यंदाचे द्वितीय वर्ष आहे. सोलापूर जिल्ह्यातून अनेक नामवंत आणि उत्कृष्ट चित्रकार व शिल्पकार जागतिक पातळीवर आपले नाव गाजवत आहेत, तरी जिल्ह्यातील कलाकारांना कलेतील उच्च शिक्षणासाठी मुंबई, पुणे, नागपूर, बेंगलोर, दिल्ली अश्या महानगरांत जावे लागत असे. अद्याप सोलापुरात चित्रकला डिग्री (पदवी) महाविद्यालय नव्हते ते आता डिग्री कॉलेज ऑफ फाईन आर्ट द्वारे सोलापुर मध्ये उपलब्ध झाले आहे.
शासनाच्या नवीन शैक्षणिक धोरणानुसार इथून पुढे कला शिक्षक होण्यासाठी डिग्री(पदवी) बॅचलर ऑफ़ फ़ाइन आर्ट (BFA) पूर्ण असणे अनिवार्य केले गेले आहे. नव्याने सुरू झालेल्या डिग्री कॉलेज ऑफ फ़ाइन आर्ट ची माहिती व अभ्यासक्रम जाणून घेण्यासाठी सोलापूर जिल्हा शैक्षणिक कला शिक्षक संघाने सदिच्छा भेट देऊन चर्चा केली व शुभेच्छा दिल्या.
यावेळी सोलापूर जिल्हा शैक्षणिक कला शिक्षक संघाचे अध्यक्ष अनिल रॉय, सचिव संतोष धारेराव, कार्याध्यक्ष नितीन खिलारे, शांतप्पा काळे, शशिकांत सदाफुले तसेच डिग्री कॉलेज ऑफ फाईन आर्टचे अध्यक्षा स्वाती भोसले, सचिव अजय निनावे, प्राचार्या वंदना भानप, प्राध्यापक धनंजय टाकळीकर, प्राध्यापक संजय नोरा, प्राध्यापक शेरशाह डोंगरी, प्राध्यापक दयानंद पटणे, ग्रंथपाल सौ. सुरेखा सरवदे, लिपिक लखन जाधव आणि कला शिक्षक आदी उपस्थित होते.