सोलापूर महापालिकेची केगाव आणि देगाव रोडवर तब्बल 43 एकर जागा असून ही जागा दुर्लक्षित आहे. नगरसेवक आनंद चंदनशिवे यांनी या जागेकडे महापालिका प्रशासनाचे लक्ष वेधले आहे. पिकनिक स्पॉट यासाठी ही जागा आरक्षित आहे मात्र सध्या या ठिकाणी अतिक्रमण होऊ लागल आहे. त्यामुळे ही जागा सुरक्षित राहावी म्हणून नगरसेवक आनंद चंदनशिवे ज्योती बम गुंडे आणि गणेश पुजारी यांच्या निधीतून तब्बल पंधरा लाख रुपयांचा निधी या जागेच्या विकासासाठी दिला आहे. माझी वसुंधरा अभियानांतर्गत या जागेवर तब्बल 20 हजार झाडे लावण्याचा निर्णय मनपा प्रशासन आणि या नगरसेवकांनी घेतला आहे. आणखी 25 लाखाचा निधी महापालिका आयुक्तांकडे करण्यात येणार असल्याचे चंदनशिवे म्हणाले यामुळे ही जागा देखील सुरक्षित राहील आणि या ठिकाणी घनदाट जंगल तयार होईल अशी आशा नगरसेवकांनी व्यक्त केली जागेची पाहणी करताना महापालिकेचे उपायुक्त धनराज पांडे मनपा नगर अभियंता संदीप कारंजे लक्ष्मण चलवादी यांच्यासह नगरसेवक उपस्थित होते त्यामुळे या नाविन्यपूर्ण संकल्पनेचे शहरवासीय मध्ये कुतूहल निर्माण झाले आहे
