सोलापूर – मंगळवारी बजेट सभा ही ऑनलाईन व २५ टक्के ऑफलाईन पध्दतीने घेण्यात आली होती. या सभेमध्ये बजेट हे एकमताने मंजूर करण्यात आल्याने रियाज खरादी यांनी सभागृहनेते शिवानंद पाटील आणि विरोधीपक्षनेते अमोल शिंदे यांचा सत्कार महानगरपालिकेच्या सभागृहामध्ये पुष्पहार घालून केला. त्यांनतर सर्व गटनेत्यांनी महापौर श्रीकांचना यन्नम यांचा सत्कार महापौर कार्यलयामध्ये केला. मंजूर झालेले बजेट हे लवकरात लवकर मिळावे यामुळे सोलापुरातील विकास कामांना गती मिळेल व नागरीकांच्या समस्या सुटतील अशी प्रतिक्रिया गटनेते रियाज खैरादी यांनी दिली.
आजच्या वास्तववादी बजेतला सर्व गटनेत्यांनी मान्यता दिल्या बद्दल मी त्यांचे आभार मानतो. या बजेटला आयुक्तांनी येणाऱ्या काळामध्ये लवकरात लवकर मान्यता देऊन शहरातील विकासाला गती द्यावी असे मत सभागृह नेते शिवानंद पाटील यांनी व्यक्त केले.
सभागृह नेते शिवानंद पाटील यांनी शहर तसेच हद्दवाढच्या विकासासाठी आज त्यांनी सूचना मांडल्या आहेत. विरोधीपक्षनेते अमोल शिंदे यांनी ही चांगले बजेट मांडले आहे. सभेमध्ये सर्व सदस्यांनी आपल्या भावना मांडल्या आहेत. आज एकमताने बजेट मंजूर झालेले आहे सर्व गटनेत्यांचे आम्ही आभार मानतो असे मत महापौर श्रीकांचना यन्नम यांनी मांडले.
यावेळी माजी विरोधीपक्षनेते महेश कोठे, माजी सभागृहनेते श्रीनिवास करली, परिवहनचे सभापती जय साळुंखे, महिला बालकल्याण सभापती कल्पना कारभारी, स्थापत्य समितीच्या सभापती अनुराधाताई काटकर, गटनेते चेतन नरोटे, गटनेते आनंद चंदनशिवे, जेष्ठ नगरसेवक यु.एन.बेरिया, जेष्ठ नगरसेवक प्रभाकर जामगुंडे, नगरसेवक रविशंकर कय्यावले, नगरसेवक नागेश भोगडे, नगरसेवक गणेश पुजारी, नगरसेवक प्रा. नारायण बनसोडे, नगरसेवक गुरुशांत धुत्तरगावकर, नगरसेवक वैभव हत्तुरे, नगरसेविका वंदनाताई गायकवाड, आदीजन उपस्थित होते.
