महापौर श्रीकांचना यन्नम यांनी दिले जलसंपदा मंत्री जयंत पाटलांना निवेदन

येस न्युज मराठी नेटवर्क : सोलापूर स्मार्ट सिटी अंतर्गत सोलापूर शहर वाढीव पाणीपुरवठा योजनाचे पिण्यासाठी व औद्योगिकसाठी पाणी आरक्षण करणेकामी उजनी धरण व्यवस्थापन विभाग, सोलापूर महानगरपालिका, हद्दवाढ, सी.ई.ओ (एम.आय.डी.सी) व महाराष्ट्र जीवन प्राधिकरण मधील करारपत्र करण्याच्या अनुषंगाने संयुक्त बैठक आयोजित करण्या करिता वेळ व दिनांक निश्चित करून मिळावी यासाठी आज महापौर श्रीकांचना यन्नम यांनी जलसंपदा व लाभक्षेत्र विकास मंत्री जयंत पाटील यांना शासकीय विश्रामगृह येथे निवेदन दिले. याप्रसंगी महापालिका आयुक्त पि. शिवशंकर आदी मान्यवर उपस्थित होते. यावेळी जलसंपदा मंत्री जयंत पाटील यांनी येत्या आठ दिवसात यासंदर्भात बैठक घेऊन निर्णय घेऊ असे आश्वासन महापौर व आयुक्त यांना दिले.