सोलापुर – रविवार दि. ०४ जुलै रोजी सकाळी ११.०० वा. छत्रपती संभाजी महाराज चौक सोलापूर ते जिल्हाधिकारी कार्यालय सोलापूर असा मराठा क्रांती मोर्चा निघणार आहे. या आंदोलनामध्ये मराठा क्रांती मोर्चात आपण सहभागी व्हावे असे निमंत्रण पत्र मराठा क्रांती मोर्चाच्यावतीने समनव्य समितीने आज सभागृह नेते यांना दिले. यावेळी राम जाधव, किरण पवार, सोमनाथ राऊत, सागर धावणे, गिरीश बतुल आदीजन उपस्थित होते. ४ जुलैला होणाऱ्या मराठा क्रांती मोर्चामध्ये सर्व नगरसेवक आणि प्रभागातील नागरिकांसह सहभागी होऊ असे आश्वासन सभागृह नेते शिवानंद पाटील यांनी दिले आहे.
४ जुलैला होणाऱ्या मराठा क्रांती मोर्चामध्ये लागणाऱ्या सोयी सुविधा महापालिकेकडून करण्यात याव्यात अशी मागणी समनव्यक राम जाधव आणि किरण पवार यांनी केली.
निमंत्रण पत्र – मराठा समाजाला आर्थिक निकषावर आरक्षण मिळण्यासाठी मराठा क्रांती मोर्चा काढण्यात आले होते. या मुकमोर्चात सर्व जाती धर्मातील लोक सहभागी झाले होते. मराठा क्रांती मोर्चाची दखल घेऊन मागील राज्य सरकारने मध्ये आरक्षण जाहीर केले होते . हे आरक्षण शैक्षणिक व नोकरीमध्ये १२ % व १३ % मुंबई उच्च न्यायालयाने मान्य केले. परंतु सर्वोच्च न्यायालयात हे आरक्षण टिकले नाही, त्यामुळे मराठा समाजातील युवकांचे शैक्षणिक व नोकरीतील भवितव्य अडचणीत आले आहे. त्या दरम्यान मागील सरकारने जाहीर केलेल्या समांतर योजना देखील बंद पडल्या आहेत. तेंव्हा मराठा समाजाच्या आरक्षणासाठी पुन्हा जागृती निर्माण करण्याकरिता सोलापूर जिल्हा शहर व ग्रामीण भागातून रविवार दि . ०४ जुलै रोजी सकाळी ११.०० वा. छत्रपती संभाजी महाराज चौक सोलापूर ते जिल्हाधिकारी कार्यालय सोलापूर असा मराठा क्रांती मोर्चा निघणार आहे. रविवार सोलापूर शहर व ग्रामीण भागातून निघणाऱ्या मराठा क्रांती मोर्चात आपण सहभागी व्हावे असे निमंत्रण पत्र मराठा क्रांती मोर्चाच्यावतीने आज सभागृह नेते यांना देण्यात आले.