मणी मंगळसूत्र चोरणाऱ्या तिघांना २४ तासात पकडले

सोलापूर : चार चाकी गाडीत बसत असताना सात रस्ता परिसरातील संज्जाद हुसेन पेट्रोल पंपासमोर एका महिलेच्या गळ्यातील मणी मंगळसूत्र चोरणाऱ्या चोरट्यांना २४ तासाच्या आत पकडून सदर बाजार पोलीस ठाण्याच्या गुन्हे प्रकटीकरण पथकाने मुद्देमाल जप्त केला आहे. याप्रकरणी मंजुनाथ दीपक जाधव व त्याचे साथीदार पवन उर्फ बबल्या दत्ता जाधव आणि सतीश दत्ता गायकवाड यांना ताब्यात घेतले असून त्यांच्याकडील ५१ हजार रुपये किमतीचे विविध कंपन्यांचे १५ मोबाईल हँडसेट जप्त केले आहेत. या मोबाईल हँडसेट ची किंमत १ लाख २१ हजार रुपये आहे. सदर बाजार पोलिस ठाण्याच्या सहाय्यक पोलीस निरीक्षक किशोर सोळुंके पोलीस हवालदार मोहम्मद ईसाक नदाफ, पोलीस नाईक खाजप्पा आरेनवरु यांच्या पथकाने ही कामगिरी केली आहे.