सोलापूर : सलगर वस्ती पोलिस स्टेशनच्या गेटसमोर येऊन उग्र वासाचा ज्वलनशील द्रवपदार्थ अंगावर ओतून आत्महत्येचा प्रयत्न केल्याने धनराज सिताराम संगोळकर याच्याविरुद्ध गुन्हा दाखल करण्यात आला आहे. धनराज याने पोलीस स्टेशन समोर येऊन माझी बायको सोडून आईवडिलांकडे गेली आहे . माझ्यासोबत राहण्यास येत नाही मला न्याय द्या, असे म्हणून स्वतःच्या अंगावर ज्वलनशील पदार्थ ओतून घेतला व काडीपेटी घेऊन पेटवण्याचा प्रयत्न केला. हा प्रकार १७ जून रोजी दुपारी दोन वाजण्याच्या सुमारास घडला. पोलीस नाईक सिद्धाप्पा बाळप्पा कुंभार यांनी फिर्याद दिली असून पोलीस नाईक घोडके अधिक तपास करीत आहेत.
घराचा दरवाजा उघडा पाहून १५ हजारांच्या मोबाइलची चोरी
सोलापूर : पूर्व मंगळवार पेठ येथील कुलदैवत गोल्ड मार्केटजवळ मनोज गांधी रंगरेज घरी फ्रेश होण्यासाठी गेले असताना सचिन सोळंके यांचे नावे असलेला मनोज गांधी वापरत असलेला मोबाईल अज्ञात चोरट्याने चोरून नेल्याची फिर्याद जोडभावी पेठ पोलीस ठाण्यात करण्यात आली आहे. मनोज गांधी यांच्या राहत्या घरी १३ जून रोजी दुपारी दीड वाजण्याच्या सुमारास हा प्रकार झाला. मोबाईलची किंमत १५ हजार रुपये असल्याचे फिर्यादीत म्हटले आहे. घराचा दरवाजा उघडा असताना कोणीतरी अज्ञाताने चोरी केली आहे. याप्रकरणी पोलीस नाईक भोगशेट्टी अधिक तपास करीत आहेत.
