भागवत कथा सप्ताह आणि ज्ञानेश्वरी पारायण आयोजन
सोलापूर : श्री संत मुक्ताई यांचा ७२५ वा समाधी सोहळा सोलापुरातील मुक्ताईनगर श्री संत मुक्ताई सांस्कृतिक प्रतिष्ठानच्या वतीने वर्षभर साजरा करण्यात आला . वैशाख वद्य दशमीला पुष्पवृष्टी करून वर्षभराच्या विविध कार्यक्रमाची सांगता करण्यात आली. भागवत कथा सप्ताह आणि ज्ञानेश्वरी पारायण या निमित्ताने आयोजन करण्यात आले. गेले वर्षभर प्रतिष्ठानच्यावतीने कोरोनाकाळ असल्यामुळे फेसबुक पेजच्या माध्यमातून प्रवचन, भजन , कीर्तन असे विविध उपक्रम राबविले . श्री संत मुक्ताई यांचे समाजावर अनंत उपकार असल्याने त्यांच्या ऋणातून मुक्त होण्यासाठी अल्पशी सेवा म्हणून हे कार्यक्रम राबविल्याचे ह. भ. प. सुधाकर इंगळे महाराज यांनी सांगितले. प्रतिष्ठानचे संस्थापक अनंत महाराज इंगळे , संजय केसरे, ह. भ. प. तानाजी महाराज बेलेराव, ह. भ. प. किशोर नाना धायगुडे, शंकर भोसले तसेच सर्व पदाधिकारी यांच्या सहकार्याने हे कार्यक्रम पार पाडल्याचे इंगळे महाराज यांनी स्पष्ट केले.
