सोलापूर शहरातील सर्व दुकाने सोमवार ते शुक्रवार सकाळी ७ ते २ यावेळेत सुरु राहणार….

शनिवार व रविवारी दुकाने बंद…
सोलापूर : सोलापुरातील सर्व दुकाने तसेच यंत्रमाग गारमेंट व विडी उद्योग उद्या शुक्रवारी सकाळी सात ते दोन सुरु ठेवण्यास महापालिका आयुक्त पी. शिवशंकर यांनी परवानगी दिली आहे. जीवनावश्यक बाबींची दुकाने व भाजीपाला विक्री वगळता इतर सर्व दुकाने शनिवार व रविवार बंद राहणार आहेत. मद्य विक्रीची दुकाने तसेच रास्त भाव दुकाने सकाळी सात ते दुपारी दोन वाजेपर्यंत सुरू ठेवण्यात येणार आहेत. दुकानदारांचा तसेच दुकानाशी संबंधित कामगारांचा rt-pcr अथवा रॅपिड एंटीजन चाचणीचा अहवाल निगेटिव्ह असणे बंधनकारक असणार आहे. लसीकरण प्रमाणपत्र असल्यास rt-pcr अथवा RAT टेस्टची गरज नसल्याचे आदेशात म्हटले आहे.