सोलापूर जिल्ह्यात ७३० व्यक्तींना नव्याने कोरोनाची लागण..

सहा तालुक्यात ५० पेक्षा कमी नवीन रुग्ण…
सोलापूर : जिल्ह्याचा covid-19 चा ३० मे रोजी चा अहवाल प्राप्त झाला असून नव्याने ७३० व्यक्तींना कोरोनाची बाधा झाली आहे. शनिवारी रात्री बारा वाजेपर्यंत संपलेल्या चोवीस तासात १७९८ व्यक्ती कोरोनामुक्त होऊन घरी परतल्या आहेत . तर २१ जणांचा मृत्यू ओढवला आहे. कोरोनाबाधीतांचा आढावा घेतला असता बार्शी तालुक्यात ११७, माढा तालुक्यात १४५, माळशिरस तालुक्यात १५० तर पंढरपूर तालुक्यात १०५ नवीन रुग्ण आढळले आहेत. अक्कलकोट , करमाळा, मंगळवेढा , मोहोळ ,उत्तर सोलापूर आणि दक्षिण सोलापूर अशा सहा तालुक्यात ५० पेक्षा कमी नवीन रुग्ण आढळले आहेत. सांगोला तालुक्यात ५५ नवीन व्यक्तींना कोरोनाची बाधा झाली आहे.