सोलापूर : जिल्ह्याचा covid-19 चा शनिवार दिनांक २९ मे रोजी चा अहवाल प्राप्त झाला आहे. शुक्रवारी रात्री बारा वाजेपर्यंत संपलेल्या चोवीस तासात जिल्ह्यांमध्ये नवीन ८०१ व्यक्तींना कोरोनाची बाधा झाली आहे . या कालावधीत १३७९ व्यक्ती कोरोनामुक्त होऊन रुग्णालयातून घरी परतल्या आहेत . तसेच २३ जणांचा कोरोनामुळे मृत्यू ओढवला आहे. कोरोना बाधित रुग्णांचा तालुकानिहाय आढावा घेतला असता बार्शी तालुक्यात १३४, माढा तालुक्यात १३२, माळशिरस तालुक्यात १७४ आणि पंढरपूर तालुक्यात ११४ नवीन व्यक्तींना कोरोनाची बाधा झाली आहे. दिलासादायक बाब म्हणजे अक्कलकोट ,करमाळा, मंगळवेढा, मोहोळ , उत्तर सोलापूर, सांगोला आणि दक्षिण सोलापूर या तालुक्यात शंभरपेक्षा कमी रुग्ण आढळले आहेत. सर्वात कमी रुग्ण उत्तर सोलापूर तालुक्यात अवघे सहा आढळले आहेत.
