बाळे येथील तात्या उपाडे याला एमपीडीए कायद्यान्वये अटक, येरवडा कारागृहात पाठवणार

येस न्युज मराठी नेटवर्क : सोलापूर शहरातील फौजदार चावडी पोलीस ठाण्याच्या हद्दीतील सराईत गुन्हेगार संजीव उर्फ तात्यासाहेब नागनाथ उपाडे या तरुणास एमपीडीए कायद्यान्वये स्थानबद्ध करण्यात आले. असून त्यांची रवानगी येरवडा कारागृहात करण्यात येणार आहे. संजीव उर्फ तात्यासाहेब उपाडे याच्याविरुद्ध फौजदार चावडी पोलिस ठाण्यात पाच गंभीर स्वरूपाचे गुन्हे दाखल आहेत. संतोष नगर , लक्ष्मी नगर , गणेश नगर , खंडोबा मंदिर, जय मल्हार चौक, शिवाजी नगर , बाळे चौक या परिसरात त्याने गंभीर स्वरूपाचे गुन्हे केले आहेत. खुनाचा प्रयत्न , दरोडा टाकणे, जबरी चोरी करणे, बेकायदेशीर जमाव जमवून दगडफेक करणे , खंडणी मागणे आणि घातक शस्त्राने हल्ला करणे असे विविध गुन्हे तात्यासाहेब उपाडे याने केले असल्याचे स्पष्ट झाले आहे. त्याच्याविरुद्ध २०१८ मध्ये प्रतिबंधात्मक कारवाई करण्यात आली होती. परंतु त्याच्या वर्तनात कोणताही बदल आढळून आला नाही. त्याच्या गुन्हेगारी कृत्यास प्रतिबंध करण्यासाठी एमपी अधिनियम १९८१ अन्वये संतोष नगर, बाळे येथे राहणाऱ्या तात्यासाहेब उपाडे यास अटक करण्यात आली आहे.