येस न्युज मराठी नेटवर्क : नदाफ शिक्षण प्रसारक बहुउद्देशीय मंडळ संचलित लिटल एंजल इंग्लिश मीडियम स्कूल, रामवाडी, सोलापूर येथे इयत्ता दहावीच्या विद्यार्थ्यांचा निरोप समारंभ संपन्न झाला. कार्यक्रमाच्या अध्यक्षस्थानी संस्थेचे संस्थाध्यक्ष माननीय मोहम्मद अय्युब मंगलगिरी होते. कार्यक्रमाचे प्रमुख पाहुणे माजी महापौर माननीय आरिफ भाई शेख होते. कार्यक्रमाचे सूत्रसंचालन प्रशालेतील इयत्ता दहावीतील कुमार सकलैन शेख या विद्यार्थ्याने केले. आणि उपस्थित पाहुण्यांचे स्वागत कुमारी जैनब शहाबाद या विद्यार्थिनीने केले.
माजी महापौर माननीय आरिफ भाई शेख यांचा सत्कार संस्थाध्यक्ष माननीय अय्युब मंगलगिरी यांच्या हस्ते करण्यात आला. इयत्ता दहावीच्या विद्यार्थ्यांकडून शाळेसाठी आठवण म्हणून “ऑफिस टेबल” सदर विद्यार्थी व प्रमुख पाहुणे यांच्या हस्ते भेट म्हणून देण्यात आले कार्यक्रमांमध्ये कुमारी आयेशा बागवान, कुमारी महेविश कुरेशी, कुमार अदनान पिरजादे, कुमार आयान लिंबूवाले, कुमार अवेज पटेल, कुमार अलसाबीर शेख या सर्व दहावीच्या विद्यार्थ्यांनी शाळेविषयी, संस्थेविषयी, शिक्षकांविषयी आपले मनोगत व्यक्त केले. प्रशालेतील शिक्षिका सौ. नफिसा नदाफ, सौ. सादेका नागपूरवाले, कुमारी शाइस्ता शेख, कुमारी शब्नुर मरसनअली व माननीय उस्मान जमादार सर, संस्था खजिनदार माननीय शाब्दी सर यांनी विद्यार्थ्यांना मार्गदर्शन केले. प्रशालेचे को-ऑर्डिनेटर हाजी माननीय पिरसाहेब शेख सर यांनी विद्यार्थ्यांना परीक्षेविषयी मौलिक मार्गदर्शन केले. प्रशालेतील शिक्षक राहील मुल्ला सर यांनी विद्यार्थ्यांना मार्गदर्शन करून पुढील शैक्षणिक वाटचालीस शुभेच्छा दिल्या. प्रशालेचे मुख्याध्यापक सुफियान शहापुरे यांनी मार्गदर्शन केले. कार्यक्रमास संस्थेचे उपाध्यक्ष माननीय डॉ. इलियास शेख, संस्थेचे सेक्रेटरी माननीय डॉ. उमर फारूक मुल्ला सर, संस्थेचे सदस्य माननीय बरकतअली जहागीरदार व माननीय समद भाई आदी उपस्थित होते. सदर कार्यक्रम यशस्वी करण्यासाठी प्रशालेतील शिक्षक-शिक्षिका व शिक्षकेतर कर्मचाऱ्यांनी परिश्रम घेतले. सर्वात शेवटी कार्यक्रमाचे आभार प्रदर्शन प्रशालेतील विद्यार्थी कुमार तमीम कुरेशी यांनी केले.
