कार बक्षीस लागल्याचे सांगत ५ लाख 31 हजारांची फसवणूक

येस न्युज मराठी नेटवर्क : सोलापुरातील शनिवार पेठ येथील पानगल मशिदीजवळ राहणाऱ्या कादिर मोहम्मद साबिर दरूद यांची अकरा जणांनी कार बक्षीस लागले असे सांगत पाच लाख 31 हजारांची फसवणूक केल्याची फिर्याद दाखल करण्यात आली आहे. कादिर दरूद यांनी 25 जानेवारी रोजी 389 रुपयांचे एसटीसी कंपनीचे ट्रिमर खरेदी केले होते . त्यानंतर कादिर दरुद यांना स्नॅपडील कंपनीकडून लकी ड्रॉ मध्ये दुसरा नंबर लागला असून स्विफ्ट डिझायर ही मोटर बक्षीसात मिळणार असल्याचा टेक्स्ट मेसेज आला होता. या मेसेज मध्ये 78 90 63 49 57 या मोबाईल वर संपर्क साधण्यास सांगण्यात आले. होते यांनी संबंधित मोबाईल नंबर वर संपर्क साधला असता, आपल्याला कार हवी की रोख रक्कम अशी विचारणा करण्यात आली. कादिर यांनी कारच हवी असल्याचे सांगितल्यानंतर रजिस्ट्रेशन फी, इन्शुरन्स, आरटीओ टॅक्स ,डिलिव्हरी चा खर्च ट्रांसपोर्टेशन अशी विविध कारणे दाखवत त्यांच्याकडून पाच लाख 31 हजार रुपये वेळोवेळी खात्यावर भरण्यास सांगण्यात आले .अखेर दोन महिने वाट बघून 13 एप्रिल रोजी कादिर दरूद यांनी फसवणूक झाल्याची तक्रार अभिषेक मंडल अलोक कुमार व इतर आठ अशा अकरा जणांविरुद्ध केली आहे.