येस न्युज मराठी नेटवर्क : सोलापूर जिल्ह्यात रविवारी रात्री बारा पर्यंत आलेल्या अहवालानुसार ६४१ व्यक्तींना कोरोनाची बाधा झाल्याचे स्पष्ट झाले आहे. जिल्ह्यातील धक्कादायक बाब म्हणजे करमाळा तालुक्यातील नेरले येथील पंचवीस वर्षाचा पुरुष आणि पंढरपूर येथील हरिदास वेस येथील छत्तीस वर्षाच्या महिलेचा कोरोनामुळे मृत्यू ओढवला आहे .आता सर्व वयोगटातील लोकांना कोरोना होत असल्याचे यामुळे पुन्हा एकदा स्पष्ट झाले आहे. करमाळा तालुक्यातील विट येथील साठ वर्षाच्या व्यक्तीचे बार्शीच्या सुश्रुत हॉस्पिटल मध्ये निधन झाले. करमाळा तालुक्यातील नेरले येथील 25 वर्षाच्या तरुणाचे सुश्रुत हॉस्पिटल मध्ये निधन झाले. मंगळवेढा तालुक्यातील खडकी येथील सत्तर वर्षाच्या महिलेचे सिव्हिल रुग्णालयात कारोनामुळे मृत्यू ओढवला. पंढरपूर तालुक्यातील उमेद गल्ली येथील 63 वर्षाच्या पुरुषाचा सीएनएस हॉस्पिटल मध्ये कोरोनामुळे मृत्यू झाला. पंढरपूर तालुक्यातील हरिदास वेस येथील 36 वर्षाच्या महिलेचा श्री मार्कंडेय रुग्णालयात मृत्यू झाला . माळशिरस तालुक्यातील इस्लामपूर येथील सत्तर वर्षाच्या पुरुषाचा अकलूजच्या अश्विनी रुग्णालयात मृत्यू झाला . माळशिरस तालुक्यातील अकलूज येथील 72 वर्षाच्या महिलेचा अकलाई मल्टीस्पेशालिटी हॉस्पिटल मध्ये मृत्यू झाला. बार्शी तालुक्यातील गाडेगाव रोड येथील 48 वर्षाच्या महिलेचा सोमाणी हॉस्पिटल बार्शी येथे मृत्यू झाला. माढा तालुक्यातील कुंभोज येथील 75 वर्षाच्या पोलिसाचा सिव्हिल रुग्णालयात मृत्यू झाला.
