औरंगाबादचं संभाजीनगर नामकरण होणारच : मुख्यमंत्री

मुख्यमंत्री उद्धव ठाकरे यांची विधानसभेत चौफेर फटकेबाजी

येस न्युज मराठी नेटवर्क । आज सुधीर मुनगंटीवारांचं भाषण पाहताना नटसम्राट पाहत असल्याचा भास झाला. औरंगाबादचं संभाजीनगर असं नामकरण करणारच असा पुनरुच्चार ही उद्धव ठाकरे यांनी आज केला. मुख्यमंत्री उद्धव ठाकरे यांची विधानसभेत राज्यपालांच्या अभिभाषणावर उत्तर देत आहेत. मुनगंटीवारांचं भाषण पाहताना नटसम्राट पाहत असल्याचा भास झाला. राज्यपालांनी मराठीमध्ये भाषण केलं हे मोठी गोष्ट आहे.

मराठी भाषा गौरव दिन हा मुख्यमंत्री म्हणून दुसरं वर्ष आहे. मराठी भाषेला अभिजात भाषेचा दर्जा मिळावा. केंद्र सरकारनं मराठी भाषेला तिष्ठत ठेवलंय. मराठी भिकारी आहे का? छत्रपती नसेत तर दिल्लीत बसलेत ते तरी दिसले असते का? मराठी भाषेला अभिजात भाषेचा दर्जा देण्यात यावा, या विषयावर मुख्यमंत्री उद्धव ठाकरे आक्रमक झाले आहेत. महाराष्ट्राचं अर्थसंकल्पीय अधिवेशनाचातिसरा दिवस आहे. राज्याचा अर्थसंकल्प 8 मार्चला मांडला जाणार असून 10 मार्चला अधिवेशनाची सांगता होईल.