राहुलना म्हटलं ‘डूम्सडे मॅन’,अर्थमंत्र्यांविरुद्ध विशेषाधिकार हनन नोटीस

येस न्युज मराठी नेटवर्क : संसदेत राहुल गांधी यांना ‘डूम्सडे मॅन’ म्हणत हेटाळणी करण्यासाठी अर्थमंत्री निर्मला सीतारमण यांच्याविरोधात विशेषाधिकार हनन नोटीस जारी करण्यात आलीय. काँग्रेसचे लोकसभा सदस्य टी. एन. प्रतापन यांनी ही नोटीस दिली आहे. लोकसभेत मोदी सरकार आणि पंतप्रधान नरेंद्र मोदींविरुद्ध आरोप करणाऱ्या काँग्रेसचे खासदार राहुल गांधी यांना अर्थमंत्री लोकसभेत उत्तर देत असताना त्यांनी ही टिप्पणी केली होती. ‘काँग्रेस नेते भ्रामक समजुती पसरवतात. देशाला तोडणाऱ्या ताकदींसोबत उभे राहतात आणि संविधानिक संस्थांचा अपमान करतात’ असा आरोप यावेळी सीतारमण यांनी केला होता. मोदी असो किंवा मनमोहन सिंह, राहुल गांधींकडून पंतप्रधानांचा अपमान करतात, असा आरोप त्यांनी केला आहे. सूत्रांच्या माहितीनुसार, प्रतापन यांनी सीतारमण यांच्या या टिप्पणीवरून लोकसभा अध्यक्ष कार्यालयाला त्यांच्याविरोधात विशेषाधिकार हनन नोटीस सोपवली आहे.