नवी दिल्लीः कृषी कायद्याच्या मुद्द्यावरून दिल्लीतल्या रस्त्यावरचा संघर्ष थेट संसदेत जाऊन पोहोचलाय. संसदेतही कॉंग्रेसचे नेते राहुल गांधी यांनी या विषयावर आपले रोखठोक मत मांडले, त्यामुळेभाजप आणि काँग्रेसमध्ये आरोप-प्रत्यारोप सुरू झालेत. आता काँग्रेसचे नेते राहुल गांधी यांनी पत्रकार परिषद घेत पंतप्रधान नरेंद्र मोदींवर पुन्हा एकदा जोरदार हल्लाबोल केलाय. विशेष म्हणजे राहुल गांधींनी कृषी विधेयकावरून नव्हे, तर चीनच्या मुद्द्यावरून पंतप्रधानांना घेरलंय.
काल संरक्षणमंत्री संसदेत बोलले, त्यातील काही गोष्टी स्पष्ट आहेत. आता संरक्षणमंत्र्यांनी येऊन निवेदन दिले. आमची जागा फिंगर 4 वर आहे, परंतु फिंगर 3 वर सरकार का सहमत नाही. पंतप्रधान आणि संरक्षणमंत्री यांनी भारतीय जमीन चीनकडे का दिली?, असा सवालही राहुल गांधींनी उपस्थित केलाय. चिनी सैन्य डेपसांगमधून का मागे हटत नाही हा मुद्दाही राहुल गांधींनी उपस्थित केलाय. देशाच्या पंतप्रधानांनी भारताची पवित्र भूमी चीनच्या स्वाधीन केलीय. पंतप्रधान नरेंद्र मोदींनी चीनपुढे गुडघे टेकले आहेत. पंतप्रधान नरेंद्र मोदी चीनला घाबरत असल्याची टीकाही राहुल गांधींनी केलीय.
