शेतकऱ्याने हजार किलो फ्लॉवर रस्त्यावर फेकला

येस न्युज मराठी नेटवर्क । उत्तर प्रदेशमधील पीलीभीत येथे एका शेतकऱ्याने योग्य भाव न मिळाल्याने संतापाच्या भारत एक हजार किलो फ्लॉवर रस्तावर फेकून दिल्याची घटना समोर आली आहे. येथील कृषी उत्पन्न बाजार समितीमध्ये हा सर्व प्रकार घडला आहे. मोहम्मद सलीम असं या शेतकऱ्याचं नाव आहे. “सध्या बाजारात फ्लॉवरची किंमत १२ ते १४ रुपये किलो आहे. त्यामुळेच मला किलोमागे किमान आठ रुपये मिळतील अशी अपेक्षा होती. जेव्हा माझा शेतमाल एक रुपया किलोने विकत घेण्याची तयारी व्यापाऱ्यांनी दाखवली तेव्हा मला हा शेतमाल फेकून देण्याशिवाय कोणता पर्याय हाती शिल्लक नव्हता. नाहीतर परत पैसे खर्च करुन तो मला घरी आणावा लागला असता,” असं सलीम म्हणाला.