सोलापूर जिल्ह्यातील 21,521 शिक्षक येत्या 23 नोव्हेंबर रोजी टीईटी ही परीक्षा देणार आहेत. ही परीक्षा एकदम कडक शिस्तीमध्ये आणि पारदर्शकपणे पार पडावी यासाठी जिल्हाधिकारी कुमार आशीर्वाद यांनी बैठक घेतली बैठकीस झेडपीचे मुख्य कार्यकारी अधिकारी कुलदीप जंगम यांच्यासह शिक्षण अधिकारी गटशिक्षणाधिकारी उपस्थित होते. 21 हजार 521 शिक्षकांची या परीक्षेसाठी नोंद झाली असून 23 नोव्हेंबर रोजी सकाळी साडेदहा ते एक आणि दुपारी अडीच ते पाच या वेळेत ही परीक्षा होणार आहे. यासाठी 34 परीक्षा केंद्रे आणि आठ झोन तयार करण्यात आले आहेत. परीक्षा पारदर्शक व्हाव्यात यासाठी सीसीटीव्ही, बायोमेट्रिक तसेच सुरक्षा यंत्रणा परीक्षा केंद्रावर तैनात असणार आहे. ही परीक्षा पास होण्यासाठी कॉपी करणाऱ्या तसेच गैरकारभार करणाऱ्या गुरुजींवर कंट्रोल रूम मधून वॉच ठेवला जाणार असून भरारी पथकांची देखील नियुक्ती करण्यात आली आहे. बऱ्याच वर्षानंतर आता परीक्षेला सामोरे जावे लागत असल्यामुळे अनेक गुरुजींनी विविध क्लासेसमध्ये ट्युशन लावल्या आहेत .
सोलापूर जिल्ह्यातून 21521 ‘गुरुजी’ देणार ‘टीईटी’..! जिल्हाधिकाऱ्यांच्या या सूचना
