जिल्ह्यात १९३७ नवीन व्यक्तींना कोरोनाची बाधा, ३८ जणांचा मृत्यू

येस न्युज मराठी नेटवर्क : सोलापूर जिल्ह्याचा ६ मे रोजी चा covid-19 चा अहवाल प्राप्त झाला असून एकाच दिवसात नवीन १९३७ व्यक्तींना कोरोना ची बाधा झाली आहे. २४ तासात तेरा ६७ व्यक्ती कोरोना मुक्त होऊन घरी परतले आहेत. या कालावधीत ३८ जणांचा कोरोनामुळे मृत्यू ओढवला आहे. जिल्ह्यातील तालुक्यांची परिस्थिती पाहिली तर पंढरपूर मध्ये ४४२ आणि माळशिरस मध्ये ४०७ नवीन व्यक्तींना कोरोना झाल्यामुळे हे दोन तालुके हॉटस्पॉट ठरले आहेत. सांगोला तालुक्यात २०६, करमाळा तालुक्यात २०४, मांढा तालुक्यात १६६,बार्शी १५१, मंगळवेढा ९० आणि मोहोळ ९८ अशा इतर सहा तालुक्यात देखील कोरोना लागण होणाऱ्या व्यक्तींची संख्या जास्त आहे. मृतांमध्ये पन्नास वर्षाखालील आठ व्यक्तींचा समावेश असल्याचे अहवालात स्पष्ट करण्यात आले आहे. जमावबंदी आणि संचार बंदीचा आदेश लागू होऊन वीस दिवस उलटले तरी जिल्ह्यातील परिस्थिती आटोक्यात येण्याचे नाव घेत नाही. अजूनही अकरापैकी आठ तालुक्यात सातत्याने रुग्णांची संख्या वाढत आहे. त्यामुळे सोलापूर शहर व जिल्ह्यातील सर्वच रुग्णालयांवर प्रचंड ताण आलेला आहे. सर्व ऑक्सिजन बेड आणि व्हेंटिलेटर बेड्स पूर्णपणे भरलेले असल्याचे चित्र जिल्ह्यात दिसत आहे. लसीकरण केंद्रांवर होत असलेल्या गर्दीमुळे देखील कोरोनाचा प्रसार वाढीस लागला आहे का ? याचाही विचार जिल्हा प्रशासनाने करण्याची गरज आहे.