येस न्युज मराठी नेटवर्क : जिल्हा परिषद प्राथमिक मराठी शाळा रामपूर येथे उपशिक्षिका या पदावर कार्यरत असणाऱ्या आदर्श व नवोउपक्रमशील विद्यार्थीप्रिय शिक्षिका श्रीमती रिंकू अनंतराव जाधवर धस यांचा मुलगा चिरंजीव आर्यन नवनाथ धस यांच्या वाढदिवसाचे औचित्य साधून वाढदिवसानिमित्त विविध विद्यार्थी शालेय उपयोगी शैक्षणिक साहित्य जसे शालेय दप्तर ,वह्या ,पेन ,पेपर पॅड ,पाटी ,उजळणी पुस्तक , पेन्सिल पट्टी चे किट वाटप करून विद्यार्थ्यांना खाऊचे वाटप करून स्वतःच्या मुलाचा वाढदिवस शाळेतील विद्यार्थ्यांसोबत साजरा करून आनंद वाटण्याची परंपरा गेली दहा वर्षापासून प्रतिवर्षी यांचा हा अभिनव उपक्रम चालू आहे .
याहीवर्षी रामपूर शाळेतील इयत्ता पहिली ते सातवी च्या सर्व विद्यार्थ्यांना या शिवाय दुसऱ्या शाळेत दाखल असणारे परंतु सध्या कोरूना परिस्थितीमुळे रामपूर शाळेत येणाऱ्या विद्यार्थ्यांना देखील त्यांनी दिनांक 28 रोजी पेपर पॅड , वह्या , पेन व पेन्सिल पट्टी चे किट व खाऊचे वाटप करण्यात आले या कार्यक्रमाच्या अध्यक्षस्थानी मैदर्गी केंद्राचे केंद्रप्रमुख . हडलगी हे होते . प्रमुख पाहुणे म्हणून शाळा व्यवस्थापन समितीच्या अध्यक्षा अश्विनी कोणदे , सरपंच शोभाताई बिराजदार , ज्येष्ठ नागरिक इरण्णा बिराजदार , स्वामीराव गायकवाड , रमेश भंडारी , प्राध्यापक परमेश्वर आरबळे , चंद्रकांत जकापुरे, शाळेच्या शिक्षिका श्रीमती कटकधों , रामपूर शाळेच्या मुख्याध्यापिका काटकर, सहशिक्षिका मान कोसकर ,अंगणवाडी मदतनीस रेऊरे ,जाकिर, आर्यनचे पालक नवनाथ धस व विद्यार्थी पालक वर्ग तसेच शाळेतील सर्व विद्यार्थी उपस्थित होते .
या कार्यक्रमाची सुरुवात मान्यवरांच्या हस्ते सावित्रीबाई फुले यांच्या प्रतिमा पूजनाने झाली .कार्यक्रमाचे प्रास्ताविक व सूत्रसंचालन तसेच आभार प्रदर्शन जाधवर यांनी केले .कार्यक्रमाचे आयोजन – नियोजन नवनाथ धस यांनी केले होते. याप्रसंगी उपस्थित सर्व मान्यवरांचा सत्कार शाल, पुष्पगुच्छ व पेन देऊन करण्यात आला . तसेच आर्यनला उपस्थितांनी वाढदिवसाच्या शुभेच्छा दिल्या. याप्रसंगी उपस्थितांकडून व पालकांकडून जाधवर धस कुटुंबाच्या या अभिनव उपक्रमाच्या परंपरेचे कौतुक करण्यात येत आहे .
